ДАРАХТ БИНШОН! Омӯзгорони ноҳияи Рӯдакӣ дар канори шоҳроҳи Душанбе-Ваҳдат дарахтони ҳамешасабз шинониданд
РӮДАКӢ, 17.03.2024 /АМИТ «Ховар»/. Дар шафати шоҳроҳи Душанбе- Ваҳдат аз ҷониби раёсати маорифи ноҳияи Рӯдакӣ ва омӯзгорони муассисаҳои таълимӣ маъракаи ниҳолшинонӣ доир шуд, ки зимни ин ҳашари ниҳолшинонӣ зиёда аз 1800 бех дарахтони ҳамешасабз шинонида шуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Ҳашари ниҳолшинонӣ бо мақсади иҷрои дастуру супоришҳои Ҳукумати Ҷумҳурии Тоҷикистон ҷиҳати сабзазоркунӣ ва вусъат бахшидани корҳои созандагӣ доир шуд.
Мутахассиси шуъбаи ҳифзи муҳити зист дар ноҳияи Рӯдакӣ Саидмаъруф Саидмуродзода иброз дошт, ки дар асоси қарори Раиси ноҳияи Рӯдакӣ оид ба корҳои ободонӣ ва сабзазоркунӣ дар ҳудуди ҷамоатҳои шаҳраку деҳоти ноҳия 16 ҳазору 310 бех ниҳоли дарахтони ороишию ҳамешасабз, мевадиҳанда ва зиёда аз 4000 бех гулу буттаҳои мавсимӣ шинонда шуданд. Қисми зиёди дарахтон дар ҳудуди ҷамоати деҳоти Гулистони ноҳия, дар шафати шоҳроҳи Душанбе-Ваҳдат шинонида шуданд.
Ҳамчунин барои дар сатҳи баланд баргузор намудани Фестивали гулҳо «Сайри гули лола» дар маркази ноҳия аз тарафи кормандони Хоҷагии манзили коммуналӣ қариб сад ҳазор бех лолаҳои гуногун шинонида шуданд.
Масъулини ноҳияи Рӯдакӣ тасмим гирифтаанд, ки дар Фестивали гулҳо «Сайри гули лола», ки охири моҳи апрел ҷамъбаст мегардад, сазовори ҷойи намунавӣ гарданд.
АКС: Мақомоти иҷроияи ҳокимияти давлатии ноҳияи Рӯдакӣ
Дар Боғи «Ирам» намоишгоҳи ҷумҳуриявии хайриявии гулу растанӣ баргузор шуд
Пешвои миллат Эмомалӣ Раҳмон дар шаҳри Пистояи Италия бо таҷрибаи пешқадами ниҳолпарварӣ ва сабзгардонии муҳити зист шинос гардиданд
ДАРАХТ БИНШОН! Дар Мастчоҳ беш аз 4000 бех ниҳоли ороишиву ҳамешасабз ва мевадиҳанда шинонида мешавад
ДАРАХТ БИНШОН! Дар ноҳияи Лахш 1200 бех ниҳоли мевадиҳанда ва ҳамешасабзу ороишӣ шинонида шуд
ДАРАХТ БИНШОН! Дар шафати шоҳроҳи Ваҳдат-Норак беш аз 1500 бех ниҳоли дарахти санавбар шинонида шуд
ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд
Дар Вилояти Мухтори Кӯҳистони Бадахшон 150 ҳазор бех ниҳолҳои сояафкану ороишӣ ва мевадиҳанда шинонида мешаванд
ТАТБИҚИ БАРНОМАИ «МАМЛАКАТИ САБЗ». Дар шаҳрҳои Душанбе ва Ваҳдат 1500 бех ниҳол шинонида шуд
ДАРАХТ БИНШОН! Дар варзишгоҳи марказии ноҳияи Восеъ беш аз 2000 бех дарахти сӯзанбарги ороишӣ шинонида шуд
«ШАҲРИ МАН – ХОНАИ МАН». Дар Душанбе беш аз 200 арчаи ҳамешасабз шинонида шуд
