Доир ба натиҷаҳои маҷмуии таҳқиқоти бостоншиносӣ дар Тоҷикистон конференсияи байналмилалӣ оғоз шуд
ДУШАНБЕ, 19.03.2024 /АМИТ «Ховар»/. Дар Академияи миллии илмҳои Тоҷикистон конференсияи байналмилалии илмии «Натиҷаҳои маҷмуии таҳқиқоти бостоншиносӣ дар Тоҷикистон» оғоз ёфт, ки се рӯз идома меёбад.
Тавре ба АМИТ «Ховар» дар Институти таърих, бостоншиносӣ ва мардумшиносии ба номи Аҳмади Дониши Академияи миллии илмҳои Тоҷикистон хабар доданд, конференсия бо ташаббуси муштараки Институти таърих, бостоншиносӣ ва мардумшиносӣ, Институти бостоншиносӣ ва мардумшиносии Шуъбаи Сибирии Академияи илмҳои Русия, Донишгоҳи давлатии Олтой баргузор шуда, дар он олимону мутахассисони ватанӣ ва аз хориҷи мамлакат- Русия, Беларус, Узбекистон, Қирғизистон, Қазоқистон, Туркманистон, Эрон, Олмон, Чин, Исроил, Иёлоти Муттаҳидаи Амрико тариқи ҳузурӣ ва онлайн иштирок доранд.
Дар конференсия президенти Академияи миллии илмҳои Тоҷикистон Қобилҷон Хушвахтзода доир ба таваҷҷуҳи зиёди марказҳои бостоншиносӣ ба осори аҳди бостони Тоҷикистон ёдовар шуд.
Директори Институти таърих, бостоншиносӣ ва мардумшиносӣ Насрулло Убайдулло доир ба мақсад ва ҳадафҳои асосии конференсия таъкид намуд, ки ҳамасола бостоншиносони институт бо шарикони хориҷиашон аз 10 то 15 экспедитсияи муштарак мегузаронанд ва ҳамасола натиҷаҳои пешакии ин ҳафриёт дар солномаи «Корҳои бостоншиносӣ дар Тоҷикистон» нашр мегарданд.
Ташаббускорони конференсия доир ба аҳамият ва зарурати ба гардиши илмӣ ворид намудани натиҷаҳои корҳои бостоншиносӣ, арзишмандии ҳамкории бостоншиносони ҷаҳон ва мутахассисони самтҳои гуногун, истифодаи имконоти васеи озмоишгоҳҳои аз ҷиҳати технологӣ пешрафтаи сатҳи ҷаҳонӣ сухан намуданд.
Конференсияи байналмилалии илмии «Натиҷаҳои маҷмуии таҳқиқоти бостоншиносӣ дар Тоҷикистон» то 20 март идома ёфта, тибқи барномаи конференсия дар бахшҳои «Натиҷаҳои таҳқиқоти нав дар Тоҷикистон», «Натиҷаҳои таҳқиқоти археологӣ дар ҳудудҳои ҳамҷавори Тоҷикистон» ва «Истифодаи методҳои нав дар таҳқиқоти бостоншиносӣ» баргузор мегардад.
Баробари иштирок дар конференсия меҳмонони хориҷӣ дар тантанаҳои наврӯзии мамлакат, хусусан шаҳри Душанбе иштирок менамоянд.
АКС: Институти таърих, бостоншиносӣ ва мардумшиносии ба номи Аҳмади Дониши Академияи миллии илмҳои Тоҷикистон
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
НАҚШ ВА МАҚОМИ УСТОД РӮДАКӢ. Андешаҳо дар ин мавзуъ
ИМРӮЗ — РӮЗИ РӮДАКӢ. Ба ин муносибат конференсияи байналмилалии илмӣ-назариявӣ доир мешавад
Моҳи октябр Намоишгоҳи чордаҳуми байналмилалии «Китоби Душанбе» баргузор мегардад
Дар Агентии инноватсия ва технологияҳои рақамӣ оид ба тарғиби либоси миллӣ ҳамоиши фарҳангӣ доир шуд
Муассисаи давлатии «Тоҷикфилм» доир ба сарнавишти Борбади Марвазӣ филми ҳунарӣ ба навор мегирад
21 СЕНТЯБР — РӮЗИ БАЙНАЛМИЛАЛИИ СУЛҲ. Бо ташаббуси Тоҷикистон «Даҳсолаи таҳкими сулҳ ба хотири наслҳои оянда» қабул гардид
