Ҷаласаи Комиссияи озмуни Стипендияи Раиси шаҳри Душанбе баргузор гардид

Апрель 6, 2024 16:36

ДУШАНБЕ, 06.04.2024. /АМИТ «Ховар»/. Дар Мақомоти иҷроияи ҳокимияти давлатии шаҳри Душанбе ҷаласаи Комиссияи озмуни Стипендияи Раиси шаҳри Душанбе баргузор гардид. Дар ин хусус АМИТ «Ховар» бо истинод ба шуъбаи иттилоотии дастгоҳи Раиси шаҳри Душанбе хабар медиҳад.

Дар ҷаласа аз ҷониби раиси Комиссия ва аъзои он Қарори Раиси шаҳри Душанбе аз 14 ноябри соли 2022  озмун барои дарёфти ҷоизаи Раиси шаҳри Душанберо барои муҳаққиқони ҷавон дар самти илмҳои дақиқ, адабиёт, рӯзноманигорӣ, санъат, меъморӣ, техникаву технология ва инноватсияву ихтироъкорӣ мавриди муҳокима қарор дода шуд.

Инчунин ҳуҷҷатҳои зарурии баргузории озмунҳои Стипендия ва Ҷоиза бо ҳамовозии аъзои Комиссия аз ҷониби раиси Комиссия тасдиқ карда шуд.

Дар ҷаласа ҳамчунин ҷиҳати дар сатҳи баланд баргузор намудани озмун ва фароҳам овардани шароити мусоид барои иштирокчиён аъзои комиссия вазифадор гардиданд.

Гуфта шуд, ки даври ноҳиявии озмун аз 28 март то 2 апрели соли 2024 доир гардида, даври шаҳрии озмун бо инобати давталабони пешниҳоднамудаи ноҳияҳо 8-9 апрел байни  донишҷӯён ва 11-12-13 апрел байни  хонандагони муассисаҳои таҳсилоти миёнаи умумӣ ва 14 апрел ҷиҳати натиҷагирии стипендия байни  олимону муҳаққиқон ва довталабони ҷоизаи Раиси шаҳри Душанберо барои муҳаққиқони ҷавон дар самти илмҳои дақиқ, адабиёт, рӯзноманигорӣ, санъат, меъморӣ, техникаву технология ва инноватсияву ихтироъкорӣ доир мегарданд.

Ғолибони озмунҳо дар чорабинии бошукуҳ бахшида ба Рӯзи пойтахти Ҷумҳурии Тоҷикистон-шаҳри Душанбе, ки ҳамасола шанбеи сеюми моҳи апрел таҷлил мегардад, дар ваъзияти тантанавӣ қадрдонӣ карда мешаванд.

 АКС: Шуъбаи иттилоотии дастгоҳи Раиси шаҳри Душанбе

Апрель 6, 2024 16:36

Хабарҳои дигари ин бахш

«ТОҶИКИСТОН ВАТАНИ АЗИЗИ МАН». Дар Душанбе даври шаҳрии озмуни ҷумҳуриявӣ оғоз шуд
ДУШАНБЕ — ШАҲРИ МУОСИР. Суратгузориш аз зебогиҳои пойтахти Тоҷикистон
«ҲУНАР ОМӮЗ…». Дар Душанбе даври шаҳрии озмуни ҷумҳуриявӣ ҷамъбаст гардид
«ҶОМИ РАИСИ ШАҲРИ ДУШАНБЕ». Дар пойтахт мусобиқаи кушод оид ба футболи хурд баргузор мешавад
«ЭКО ТАКСӢ». Дар Душанбе боз як ширкати мусофиркашонӣ ба фаъолият оғоз намуд
27-СОЛАГИИ РӮЗИ ВАҲДАТИ МИЛЛӢ. Қарори Раиси шаҳри Душанбе барои баргузории барномаҳои идона ба имзо расид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси иҷлоси 78-уми Маҷмаи Умумии Созмони Милали Муттаҳид Деннис Фрэнсис мулоқот намуданд
«ҲУНАР ОМӮЗ…». Дар шаҳри Душанбе даври дуюми озмуни ҷумҳуриявӣ баргузор мегардад
То 1 сентябри соли 2025 ҷамъиятҳои хизматрасонии нақлиётии мусофиркашонии Душанбе пурра ба низоми нақлиёти барқӣ мегузаранд
Дар Душанбе Рӯзи ҷаҳонии ҳифзи муҳити зист таҷлил карда шуд
«КОХИ НАВРӮЗ»-МУЪҶИЗАИ МУОСИРИ САЙЁҲӢ. Ва ё шоҳкории даврони истиқлол, ки бо иқдоми Президенти Тоҷикистон бунёд шудааст
Рустами Эмомалӣ: «Ҳифзи ҳуқуқи кӯдакону наврасон яке аз самтҳои афзалиятноки сиёсати иҷтимоии давлату Ҳукумати Тоҷикистон мебошад»