Дар Минск ҷаласаи Шурои вазирони корҳои хориҷии Иттиҳоди Давлатҳои Мустақил баргузор гардид
ДУШАНБЕ, 13.04.2024 /АМИТ «Ховар»/. 12 апрел Вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи навбатии Шурои вазирони корҳои хориҷии Иттиҳоди Давлатҳои Мустақил, ки дар шаҳри Минск баргузор гардид, иштирок намуд, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.
Зимни ҷаласа роҳбарони мақомоти сиёсати хориҷии давлатҳои иштирокдори Иттиҳоди Давлатҳои Мустақил доир ба масъалаҳои мубрами рӯзномаи байналмилалӣ ва минтақавӣ табодули афкор намуда, самтҳои асосии ҳамкории минбаъдаро дар доираи Иттиҳод баррасӣ намуданд.
Сироҷиддин Муҳриддин таъкид намуд, ки соли 2025 марҳилаи аввали татбиқи стратегияҳои рушди бахшҳои гуногуни ҳамкорӣ, ки панҷ сол қабл аз ҷониби роҳбарони давлатҳои Иттиҳод қабул шуда буд, ба анҷом мерасад. Дар робита ба ин пешниҳод гардид, ки таҳлили фосилавии иҷрои муқаррароти нақшаҳои чорабиниҳо оид ба татбиқи стратегияҳои қабулшуда гузаронида шавад.
Ҳамзамон вазир иттилоъ дод, ки дар ҳошияи ҳамкорӣ бо Иттиҳоди Давлатҳои Мустақил дар Тоҷикистон давоми соли 2024 баргузории Форуми байналмилалии ихтиёркорон (волонтёрон), Форуми байналмилалии ҷавонон, Истироҳатгоҳи таълимии тобистона, ҷаласаи навбатии Шурои ҳамкорӣ дар соҳаи илмҳои бунёдӣ, Анҷумани панҷуми олимон ва нишасти Шурои олимони ҷавон дар назар аст.
Дар заминаи баррасии масоили амниятӣ Сироҷиддин Муҳриддин иброз намуд, ки давлатҳои Иттиҳоди Давлатҳои Мустақил бо чолишҳои бесобиқа рӯ ба рӯ гашта истодаанд. Вазир аз давлатҳои Иттиҳод даъват ба амал овард, ки барои боз ҳам такмил додани заминаи меъёрию ҳуқуқии Иттиҳоди Давлатҳои Мустақил дар соҳаи амният тадбирҳои муассиртар андешанд, инчунин оид ба зарурати баланд бардоштани самаранокии фаъолияти Маркази зиддитеррористии Иттиҳоди Давлатҳои Мустақил таъкид намуд.
Аз натиҷаи ҷаласаи Шурои вазирони корҳои хориҷии Иттиҳоди Давлатҳои Мустақил якчанд изҳороти муштарак қабул гардида, қарорҳое, ки ба таҳкими минбаъдаи ҳамкорӣ дар ҳошияи Иттиҳод равона карда шудаанд, ба имзо расиданд.
АКС: Вазорати корҳои хориҷии Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
Ҳайати Тоҷикистон дар Ҳафтаи ҷаҳонии оби Стокголм иштирок намуд
Сафири Тоҷикистон бо ноиби Президенти Корпоратсияи байналмилалии молиявии рушди Амрико мулоқот намуд
Дар Қоҳира бахшида ба 35-солагии Истиқлоли давлатии Тоҷикистон конфронс баргузор гардид
Сафири Тоҷикистон бо муовини Директори генералии Вазорати федералии иқтисод ва энергетикаи Олмон мулоқот намуд
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
Тоҷикистон ва Кувайт таҳкими ҳамкориро дар арсаи рушд баррасӣ намуданд
Дар Душанбе таҳти унвони «Тоҷикистон ва 35 соли соҳибистиқлолӣ: таҷрибаи сулҳофарӣ, сиёсати бисёрсамта ва рушди устувор» конфронси байналмилалӣ баргузор шуд
Дар Душанбе таҷрибаи 35-солаи сулҳофарӣ ва сиёсати бисёрсамтаи Тоҷикистон баррасӣ шуд
