Дар шаҳри Исфара сел талафот ва харобӣ ба амал наовардааст
ДУШАНБЕ, 24.04.2024 /АМИТ «Ховар»/. 23 апрел, соати 15:43 дар натиҷаи бориши зиёд дар махаллаи ба номи Ибод Файзуллоеви Ҷамоати деҳоти Чоркӯҳи шаҳри Исфараи вилояти Суғд сел ба амал омад. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Дар натиҷа, таҳхонаҳои 15 бинои истиқоматӣ ва утоқҳои коммуналӣ қисман зери об ва 3750 метр кӯчаи деҳот зери хоку шағал монданд.
Дар ҷои ҳодиса Комиссия оид ба ҳолатҳои фавқулодаи шаҳрӣ барои бартараф кардани оқибатҳои сел кор мебарад.
Дар натиҷаи офати табиӣ талафот ва харобӣ ба амал наомадааст.
Тавре қаблан хабар додем, бо мақсади амалӣ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба расонидани кумак ба аҳолии зарардидаи мамлакат аз оқибатҳои сел Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо дастгирии шарикони байналмилалӣ ба зарардидагон дар шакли маводи озуқа ва ғайриозуқа кумак расонид.
Бо шарофати вокуниши фаврӣ ва ташкили ҳамкорӣ бо дастгирии якчанд созмони байналмилалӣ ба аҳолии шаҳру навоҳии мамлакат, ки дар натиҷаи офатҳои табиӣ зарар дидаанд, сари вақт ёрӣ расонида шуд.
Чунончӣ, охири ҳафтаи гузашта Кумитаи ҳолатҳои фавқулода бо дастгирии шарикони байналмилалӣ ба 125 хонаводаи шаҳрҳои Душанбе, Ваҳдат, навоҳии Рӯдакӣ ва Темурмалики вилояти Хатлон, ки бар асари сели 14-15 апрели соли 2024 зарар дидаанд, кумак расонид.
Ин кумакҳо асосан аз маводи ғизоӣ, маводи мавриди ниёзи аввал, бастаҳои беҳдоштӣ ва ҳабҳои тозакунандаи об иборат буданд.
Кумакҳо бо истифода аз таҷҳизоти махсуси Кумита ба ҷамоатҳои деҳот расонида шуда, дар ҳузури комиссияҳои созмонёфта ба ниёзмандон тақсим гардиданд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
