Кумакҳои башардӯстонаи Тоҷикистон ба сокинони аз офати табиӣ зарардидаи Қазоқистон расонида шуд
ДУШАНБЕ, 22.04.2024 /АМИТ «Ховар»/. 20 апрел дар шаҳри Саригаши Ҷумҳурии Қазоқистон кумаки башардӯстонаи Ҷумҳурии Тоҷикистон ба аҳолии аз сел зарардидаи Қазоқистон супорида шуд. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Раиси Кумитаи ҳолатҳои фавқулода ва мудофиаи граждании Тоҷикистон Рустам Назарзода иброз дошт, ки кумак ба мардуми бародари қазоқ бо дастури Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон расонида шуд.
Муовини аввали вазири ҳолатҳои фавқулодаи Ҷумҳурии Қазоқистон ба Ҳукумати Тоҷикистон барои кумаке, ки дар чунин давраи душвор ба ноҳияи зарардида расонида шуд, изҳори сипос намуд.
Кумаки башардӯстона, ки аз маводи ғизоӣ, оби ошомиданӣ, масолеҳи сохтмон ва бомпӯши хонаҳо иборат буд, аз шаҳрҳои Душанбе ва Хуҷанд бо 61 вагон ва 13 мошини боркаш дар ҳаҷми 3,5 ҳазор тонна, фиристода шуд.
Ёдовар мешавем, ки 19 апрел дар доираи тадбирҳои олии башардӯстона дар асоси супориши Президенти Ҷумҳурии Тоҷикистон муҳтарам Эмомалӣ Раҳмон ба мардуми аз офатҳои табиии рӯзҳои охир зарардидаи Ҷумҳурии Қазоқистон аз ҷониби Ҳукумати Ҷумҳурии Тоҷикистон кумаки башардӯстона фиристода шуд.
Дар натиҷаи обхезӣ дар панҷ минтақаи Ҷумҳурии Қазоқистон 4870 бинои истиқоматии сокинон зери об монда, ба иқтисодиёти ин давлат хисороти зиёд расид.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
