35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъати тоза пайдо намудааст

Май 12, 2024 10:56

ДУШАНБЕ, 12.05.2024. /АМИТ «Ховар»/. Дар шаҳру ноҳияҳои вилояти Суғд ба истиқболи 35-солагии Истиқлоли давлатии Ҷумҳурии Тоҷикистон бунёди иншооти гуногун идома дорад. Дар ин хусус АМИТ «Ховар» бо истинод ба хадамоти матбуоти Раиси вилоят хабар медиҳад.

Зимни шиносоии раиси вилоят  бо лоиҳаи Қасри фарҳанг ва корҳои сохтмони он иттилоъ дода шуд, ки иншооти ҷашнӣ тибқи дастуру ҳидоятҳои Пешвои миллат муҳтарам Эмомалӣ Раҳмон бо маблағгузории мақомоти иҷроияи ҳокимияти давлатии вилоят сохта мешавад.​

Қасри фарҳанг аз 5 ошёна иборат буда, дорои синфхонаҳои омӯзишӣ, китобхонаву осорхона, толорҳои намоиши кино, маҷлисгоҳ ва дигар утоқу ҳуҷраҳои ёрирасон мебошад. Бунёди бузургтарин иншооти соҳаи фарҳанг дар маркази вилоят имкон медиҳад, ки дар он чорабиниҳои муҳими сиёсиву ҷамъиятӣ баргузор шуда, барои кормандони соҳа шароити мусоиди корӣ фароҳам оварад шавад.

Сипас роҳбари вилоят бо рафти корҳои сохтмони бинои таълимӣ барои курсантони факултаи чоруми ​ Академияи Вазорати корҳои дохилӣ дар шаҳри Хуҷандро шинос шуд.

Сохтмони ин иншоот соли 2023 оғоз ёфта, аз шаш ошёна иборат буда, дорои 17 синфхона, ошхонаву хобгоҳ, маҷлисгоҳ ва ҳуҷраҳои ёрирасон мебошад.​

Раиси вилоят инчунин бо сохтмони бинои шуъбаи тиббии Раёсати Вазорати корҳои дохилӣ шинос гардид.

 АКС: Хадамоти матбуоти Раиси вилояти Суғд

Май 12, 2024 10:56

Хабарҳои дигари ин бахш

27-СОЛАГИИ ВАҲДАТИ МИЛЛӢ. Ба ин муносибат дар Осорхонаи миллӣ гӯшаи доимоамалкунанда ташкил гардидааст
Афсарону сарбозони Гвардияи миллӣ бахшида ба Рӯзи Ваҳдати миллӣ ба тамошои Осорхонаи миллӣ омаданд
«СИ ҶИНПИН ДАР БОРАИ ИДОРАКУНИИ ДАВЛАТӢ». Маҳфили китобдӯстони Тоҷикистону Чин дар Душанбе ба ин мавзуъ бахшида шуд
ТОҶИКИСТОНУ ЧИН – ШАРИКОНИ СТРАТЕГӢ. Дар Академияи миллии илмҳои Тоҷикистон дар ин мавзуъ конференсияи байналмилалӣ баргузор шуд
«ТОҶИКОНА МЕПӮШЕМ!». Бонувони Китобхонаи миллии Тоҷикистон либоси миллиро тарғиб менамоянд
35-СОЛАГИИ ИСТИҚЛОЛИЯТИ ДАВЛАТӢ. Ба пешвози ин ҷашн дар Хоруғ бунёду навсозии 300 иншоот ба нақша гирифта шудааст
Маҷаллаи «ал-Баён»-и Робитаи адибони Кувайт ашъори шоираи ҷавони тоҷик Сурайё Ҳакимоваро нашр намуд
Мутахассисони соҳаи синамои тоҷик дар Донишкадаи давлатии умумирусиягӣ ба таҳсил фаро гирифта мешаванд
ЧАКАН ДАР ПАРИЖ. Тарроҳи тоҷик рангорангӣ, ғановат ва гуногунии онро дар Ҳафтаи мӯд намоиш медиҳад
Дар Хуҷанд бо иштироки ҳайати занони Чин барномаи фарҳангӣ доир гардид
ҲАФРИЁТИ БОСТОНШИНОСӢ. Аз ёдгории Ҳалқаҷар зевари тиллоӣ кашф гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Лахш бинои нави Раёсати молия ба истифода дода мешавад