Ҳамкории Академияи миллии илмҳои Тоҷикистон бо муассисаҳои илмии Чин густариш меёбад
ДУШАНБЕ, 17.05.2024. /АМИТ «Ховар»/. 16 май бо мақсади тақвият бахшидани ҳамкории илмӣ Президенти Академияи миллии илмҳои Тоҷикистон, узви вобастаи Академия Қобилҷон Хушвахтзода Президенти шуъбаи синзянии Академияи илмҳои Чин Чен Си ва Президенти Ассотсиатсияи синзянии илм ва технология, профессор Ванг Гуанчиангро ба ҳузур пазируфт, хабар доданд ба АМИТ «Ховар» дар ин академия.
Дар мулоқот Президенти Академияи миллии илмҳои Тоҷикистон Қобилҷон Хушвахтзода ба меҳмонон оид ба фаъолияти пурсамари Академияи миллии илмҳои Тоҷикистон дар самти ҳамкорӣ бо муассисаҳои илмии Ҷумҳурии мардумии Чин маълумот дода, афзуд, ки санадҳои ҳамкорӣ байни муассисаҳои илмии ҳарду ҷониб ҳанӯз соли 2014 ба имзо расидаанд.
Дар асоси созишномаи имзогардида соли 2016 дар Академияи миллии илмҳои Тоҷикистон Маркази таҳқиқоти экология ва муҳити зисти Осиёи Марказӣ ифтитоҳ ёфт, ки ин аввалин муассисаи муштараки барҷастаи Чин ва Тоҷикистон мебошад. Ҳамзамон оид ба ҳамкории тарафайн ва равнақ додани робитаҳои илмии ҳарду давлат дар арсаи байналмилалӣ изҳори назар карда шуд.
Президенти шуъбаи синзянии Академияи илмҳои Чин Чен Си оид ба мустаҳкам намудани ҳамкорӣ байни муассисаҳои илмии Тоҷикистон ва Чин изҳори қаноатмандӣ намуда, барои дар оянда беҳтар ва дар низоми сифатан нав амалӣ намудани ҳамкорӣ дар бахшҳои гуногуни соҳаи илм ибрози андеша намуд.
Иброз гардид, ки бояд дар якҷоягӣ ва тибқи низомномаи ҳамкорӣ барои омода намудани олимони ҷавон дар бахшҳои гуногуни илмӣ тадбирҳо андешида шаванд.
Ҳамзамон меҳмонон таклиф намуданд, ки Президенти Академияи миллии илмҳои Тоҷикистон Қобилҷон Хушвахтзода моҳи июни имсол дар намоиши Экспо Евразия 2024 (EXPO EURASIA) дар Ҷумҳурии Мардумии Чин иштирок кунад.
АКС: Академияи миллии илмҳои Тоҷикистон
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
НАҚШ ВА МАҚОМИ УСТОД РӮДАКӢ. Андешаҳо дар ин мавзуъ
ИМРӮЗ — РӮЗИ РӮДАКӢ. Ба ин муносибат конференсияи байналмилалии илмӣ-назариявӣ доир мешавад
Моҳи октябр Намоишгоҳи чордаҳуми байналмилалии «Китоби Душанбе» баргузор мегардад
Дар Агентии инноватсия ва технологияҳои рақамӣ оид ба тарғиби либоси миллӣ ҳамоиши фарҳангӣ доир шуд
Муассисаи давлатии «Тоҷикфилм» доир ба сарнавишти Борбади Марвазӣ филми ҳунарӣ ба навор мегирад
