Дар Суғд лоиҳаҳо оид ба истеҳсоли неруи барқ аз нури Офтоб ва бод татбиқ карда мешаванд
СУҒД, 23.05.2024. /АМИТ «Ховар»/. Зимни мулоқоти Раиси вилояти Суғд Раҷаббой Аҳмадзода бо роҳбари ширкати чинии «Liaoning Lide» Жанг Жинминг ва ҳамроҳонаш масоили ҳамкории мутақобила ва тадриҷан густариш додани онҳо, таҳия ва татбиқи лоиҳаҳои муштарак мавриди баррасӣ қарор гирифт. Дар ин хусус ба АМИТ «Ховар» дар хадамоти матбуоти Раиси вилояти Суғд хабар доданд.
Раиси вилоят зимни муаррифии имконоти вилояти Суғд таъкид дошт, ки вилоят чун «водии имконият» шинохта шуда, барои рушди соҳаҳои иқтисодиву иҷтимоии он якчанд барнома ва лоиҳаҳои хурду бузург амалӣ карда мешаванд.
Дар вилоят садҳо корхонаи хурду бузург фаъолият дошта, талабот ба неруи барқ зиёд мегардад. Аз ин лиҳоз, истифода аз манбаъҳои гуногун метавонад талабот ба неруи барқро қонеъ созад.
Жанг Жинминг аз пазироии гарму самимӣ изҳори қаноатмандӣ намуда, иброз дошт, ки воқеъан ҳам бо истифода аз фанновариҳои замон дар Ҷумҳурии Тоҷикистон аз нури Офтоб ва бод метавон неруи барқ истеҳсол кард.
Иттилоъ дода шуд, ки ин ширкат соли 2002 таъсис ёфта, асосан ба истеҳсоли дастгоҳу таҷҳизоти соҳаи энергетика машғул мебошад. Ширкат шаш сол инҷониб дар Осиёи Миёна фаъолияти босамар дошта, сохтмони неругоҳеро дар Узбекистон оғоз намудааст, ки тавассути он аз бод неруи барқ истеҳсол менамояд. Татбиқи чунин лоиҳа дар вилояти Суғд низ имконпазир мебошад.
Зимни мулоқот тарафҳо ҳавасмандиашонро барои густариши ҳамкорӣ ва татбиқи лоиҳа дар самти бунёди неругоҳ баён доштанд.
АКС: Хадамоти матбуоти Раиси вилояти Суғд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Фалсафаи ваҳдат ва истиқрори сулҳи тоҷикон». Таҳти ин унвон дар Донишгоҳи давлатии Кӯлоб ҳамоиш доир гардид
СОЛИ МАЪРИФАТИ ҲУҚУҚӢ. Бо сокинону фаъолони шаҳри Бохтар вохӯрӣ доир гардид
Дар шаҳри Турсунзода ҳамоиши «Корвони зиддимухаддиротӣ – 2024» доир шуд
«Ҷоми Ҳизби Халқии Демократии Тоҷикистон» насиби дастаи футболбозони ноҳияи Ҷалолиддини Балхӣ шуд
Донишҷӯёни Донишгоҳи техникии Тоҷикистон таҷрибаомӯзии истеҳсолиро дар Неругоҳи барқи обии «Қайроқум» мегузаронанд
Дар Хоруғ таҳти унвони «Модару бонувони ваҳдатсаро» ҳамоиш доир гардид
15-17 июн дар минтақаҳои алоҳидаи Тоҷикистон хавфи омадани сел боқӣ мемонад
ҲИФЗ ВА МУАРРИФИИ МЕРОСИ НИЁГОН. Ин мавзуъ дар меҳвари мулоқоти Президенти Тоҷикистон бо аҳли илм ва маорифи мамлакат қарор дошт
Имрӯз дар Тоҷикистон ҳавои тағйирёбанда пешгӯӣ мешавад
«ЗАН-САРВАР». 20 нафар хатмкунандагони даври омӯзишӣ соҳиби Шаҳодатнома гардиданд
СОЛИ МАЪРИФАТИ ҲУҚУҚӢ. Бахшида ба он бо сокинону фаъолони ноҳияи Қубодиён вохӯрӣ доир гардид
