Дар Теҳрон машваратҳои сиёсии Тоҷикистон ва Эрон баргузор гардид
ДУШАНБЕ, 10.05.2024 /АМИТ «Ховар»/. Дар Теҳрон давраи дуюми машваратҳои сиёсӣ байни ниҳодҳои сиёсати хориҷии Тоҷикистон ва Эрон баргузор гардид. Ҳайатҳои ҷонибҳоро муовинони вазирони корҳои хориҷии Тоҷикистон ва Эрон роҳбарӣ намуданд, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.
Дар рафти машваратҳо ҷонибҳо вазъи кунунӣ ва дурнамои равобити гуногунҷанбаи ду давлати дӯстро мавриди баррасӣ қарор доданд.
Доир ба таҳаввулоти ахир дар минтақа ва ҷаҳон табодули назар карда шуд.
Ҳамчунин ҳайати Тоҷикистон аз ҷониби Вазири корҳои хориҷии Ҷумҳурии Исломии Эрон Амир Абдуллоҳиён ба ҳузур пазируфта шуд.
Зимни ин мулоқот ҷонибҳо тақвияти ҳамкориро ҷиҳати иҷрои тавофуқоти бадастомода байни роҳбарияти олии ду давлат мавриди баррасӣ қарор доданд.
Ҳамчунин мулоқотҳои муовини Вазири корҳои хориҷии Ҷумҳурии Тоҷикистон бо муовини Вазири корҳои хориҷии Ҷумҳурии Исломи Эрон Маҳди Сафарӣ баргузор гардиданд, ки дар онҳо ҷонибҳо ҳамкории иқтисодиву тиҷоратии байни ду мамлакатро мавриди баррасӣ қарор дода, доир ба фароҳам овардани заминаҳои мусоид барои татбиқи лоиҳаҳои муштараки иқтисодӣ гуфтугӯ намуданд.
Дар фарҷоми сафар муовини вазири корҳои хориҷӣ Фаррух Шарифзода бо Дабири кулли Созмони ҳамкории иқтисодӣ (ЭКО) Хусрав Нозирӣ мулоқот намуд, ки зимни он ҷонибҳо бо изҳори қаноатмандӣ аз рушди ҳамкории Тоҷикистон бо Созмони мазкур, баргузории чорабиниҳои муштаракро дар доираи фаъолияти ин Созмон мавриди баррасӣ қарор доданд.
АКС: Вазорати корҳои хориҷии Ҷумҳурии Тоҷикистон
Масоили тавсеа ва рушди муносибатҳои мутақобили судманд байни Тоҷикистону Австрия баррасӣ шуд
Шараф Шерализода дар Барселона бо намояндагони ниҳодҳои Испания мулоқот намуд
Ҳамкории Тоҷикистон ва Конфедератсияи Швейтсария баррасӣ гардид
Сафири Тоҷикистон бо муовини раиси Девони вазирони Туркманистон оид ба нақлиёт ва коммуникатсия мулоқот намуд
Дар Шуша ҷаласаи 7-уми вазирони Созмони ҳамкории иқтисодӣ оид ба сайёҳӣ баргузор гардид
Зарурати тақвияти ҳамкории сармоягузорӣ байни Тоҷикистон ва иёлоти Ютаи Амрико таъкид шуд
Дар Вена «Устувонаи Куруши Кабир» муаррифӣ гардид
Ҳамкорӣ байни Маҷлиси намояндагони Маҷлиси Олии Тоҷикистон ва Конгресси Иёлоти Муттаҳидаи Амрико баррасӣ шуд
Сафири Тоҷикистон бо намояндаи махсуси Кантслери Австрия оид ба корҳои хориҷӣ мулоқот намуд
Таҳкими ҳамкорӣ байни прокуратураҳои генералии Тоҷикистон ва Қатар баррасӣ гардид
Ташаббуси Ҷумҳурии Тоҷикистон доир ба қабули қатъномаи Иҷлосияи 82-юми Комиссияи иқтисодӣ ва иҷтимоии СММ барои Осиё ва Уқёнуси Ором дар Бангкок
Намояндаи Тоҷикистон дар Форуми 10-уми байналмилалии шарикии давлат ва бахши хусусӣ дар Барселона иштирок намуд
