«МАЪРИФАТИ ҲУҚУҚӢ-ОЙИНИ ХУДШИНОСӢ». Дар ноҳияи Синои пойтахт даври ноҳиявии озмуни ҷумҳуриявӣ баргузор шуд

Май 24, 2024 09:18

ДУШАНБЕ, 24.05.2024. /АМИТ «Ховар»/. Дар Муассисаи давлатии таълимии «Литсейи Умари Хайём» барои иҷрои Фармони Президенти Ҷумҳурии Тоҷикистон дар бораи Соли маърифати ҳуқуқӣ эълон гардидани соли 2024 ва дар ин замина баланд бардоштани сатҳи маърифати ҳуқуқии наврасону ҷавонон даври дуюми (ноҳиявии) озмуни ҷумҳуриявии «Маърифати ҳуқуқӣ-ойини худшиносӣ» баргузор гардид. Дар ин хусус АМИТ «Ховар» бо истинод ба Сарраёсати маорифи шаҳри Душанбе хабар медиҳад.

Дар ин замина аз ҷониби Муассисаи давлатии «Маркази дарёфт ва рушди истеъдодҳои ноҳияи Сино» низоми нави баргузорӣ, ташкил ва ҷамъбасту натиҷагирии озмун ба нақша гирифта шудааст.

Бояд гуфт, ки озмун аз ду қисм иборат аст: амалӣ ва назариявӣ. Кори хаттии озмун ба таври кушода гузашта, намунаи мавзуъҳои тавсияшаванда чанд рӯз қабл то баргузории озмун дастраси муассисаҳои таълимӣ гардонида шуда буд.

Корҳои тестӣ тариқи низоми автоматӣ (худкор) доир мешаванд. Дар рӯзи дуюми озмун қисмати шифоҳӣ ба нақша гирифта шуда, барои дуруст муайян намудани донишу малакаи довталабон коршиносон аз факултети ҳуқуқшиносии Донишгоҳи миллии Тоҷикистон, Донишкадаи ҷумҳуриявии такмили ихтисос ва бозомӯзии кормандони соҳаи маориф ва омӯзгорони Маркази дарёфт ва рушди истеъдодҳои ноҳияи Сино ҷалб гардидаанд.

Тибқи тартиби муқарраргардида, озмун аз ду қисм: амалӣ ва назариявӣ иборат аст. Қисми амалии озмун мутобиқ ба меъёрҳои Низомнома аз кори хаттӣ ва саволномаҳои тестӣ иборат буда, қисми назариявӣ аз шартҳои «Саволномаи шифоҳӣ», «Рӯнамо» «Мақола» «Шеър» ва «Расм» иборат аст.

Ҳадаф аз баргузории озмун баланд бардоштани сатҳи маърифати ҳуқуқии наврасон ва ҷавонон, паст намудани сатҳи ҷинояту ҷинояткорӣ дар байни ноболиғон ва боло бурдани донишҳои ҳуқуқии наврасон мебошад.

АКС: Сарраёсати маорифи шаҳри Душанбе

Май 24, 2024 09:18

Хабарҳои дигари ин бахш

Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
Пагоҳ дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Имрӯз дар шаҳри Душанбе ҳаво то 39 дараҷа гарм мешавад
Ғиёсиддин Ашӯрзода раиси Ҳизби ислоҳоти иқтисодии Тоҷикистон интихоб гардид
Дар ноҳияи Данғара вохӯрии масъулин бо сокинон бо усули «Маҳал ба маҳал» ва «Деҳа ба деҳа» баргузор гардид
Имрӯз дар баъзе аз минтақаҳои Тоҷикистон хавфи омадани сел боқӣ мемонад
ҲАР КАС БА ЗАБОНИ ХУД СУХАНДОН ГАРДАД. Китобҳо дар нигоҳ доштани забон нақши аввалияро мебозанд
Дар кӯчаҳои Хоруғ 150 қуттии муосир барои партовҷамъкунӣ гузошта шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе минтақаҳои Тоҷикистон хавфи омадани сел боқӣ мемонад
Дар Душанбе ҷаласаи муштараки Платформаи миллии коҳиши хатари офатҳои табиӣ баргузор шуд