Бонки миллии Тоҷикистон оид ба таҳлили макроиқтисодӣ/барномасозии молиявӣ ва сиёсат даври омӯзишӣ ташкил намуд
ДУШАНБЕ, 05.06.2024 /АМИТ «Ховар»/. Бонки миллии Тоҷикистон дар ҳамкорӣ бо Маркази минтақавии рушди иқтидор барои Қафқоз, Осиёи Марказӣ ва Муғулистон (CCAMTAC) ва Донишкадаи Муттаҳидаи Вена (JVI) барои мутахассисони вазоратҳои молия, рушди иқтисод ва савдо, Агентии омор ва Бонки миллии Тоҷикистон оид ба таҳлили макроиқтисодӣ/барномасозии молиявӣ ва сиёсат даври омӯзишӣ оғоз намуд. Дар ин хусус ба АМИТ «Ховар» дар Бонки миллии Тоҷикистон иттилоъ доданд.
Дар оғози давраи омӯзишӣ муовини Раиси Бонки миллии Тоҷикистон Сироҷиддин Икромӣ иброз дошт, ки мавзуи давраи омӯзишӣ барои Ҷумҳурии Тоҷикистон муҳим арзёбӣ мешавад, зеро маҳз барномасозии молиявӣ асоси таҳлили вазъи кунунии иқтисодиёт, пешгӯии самти рушди он ва муайян намудани тадбирҳои сиёсати иқтисодӣ ба ҳисоб меравад.
Давраи омӯзишӣ то 7 июн идома ёфта, иштирокдорон дар ин муддат метавонанд бо воситаҳои асосие, ки дар барномасозии молиявӣ ва сиёсат барои таҳлил ва пешгӯии маълумот истифода мешаванд, шинос гардида, дар оянда онҳоро дар амал татбиқ намоянд.
Барои гузаронидани даври омӯзишӣ таҳлилгарони иқтисодии CCAMTAC ва JVI даъват шудаанд.
АКС: Бонки миллии Тоҷикистон
Корти Visa дар Тоҷикистон барои пардохтҳои ғайринақдӣ бо сомонӣ дар 14 бонк дастрас аст
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар «Саноатсодиротбонк» ҷашни Наврӯзро бо анъанаҳои миллӣ истиқбол намуданд
ҚУРБИ АСЪОР: 1 евро аз 10.8000 то 11.0867 сомонӣ муқаррар шудааст
Бонки миллии Тоҷикистон дар Душанбе Фестивали саводнокии молиявӣ мегузаронад
Рисолати «Амонатбонк» ҳимояи ҳуқуқи истеъмолкунандагон ва кафолати хизматрасонии босифати бонкӣ аст
Бонки миллии Тоҷикистон ба Эъломияи Кейптаун ҳамроҳ шуд
