Дар Маҷмааи варзишии шаҳри Хоруғ барои ҷоми Раиси вилоят мусобиқаи футболи хурд оғоз шуд
ХОРУҒ, 16.06.2024. /АМИТ «Ховар»/. Дар доираи иқдоми Раиси Федератсияи футболи Ҷумҳурии Тоҷикистон вобаста ба эълони Рӯзи ҷаҳонии футбол ва бахшида ба Рӯзи Ваҳдати миллӣ бо ибтикори Мақомоти иҷроияи ҳокимияти давлатии Вилояти Мухтори Кӯҳистони Бадахшон мусобиқаи варзишӣ аз намуди футболи хурд дар байни қишрҳои гуногуни ҷомеа идома дорад, хабар дод мухбири минтақавии АМИТ «Ховар» Файз Мирасан.
Мусобиқаи навбатии футбол ба хотири соҳиб шудан ба «Ҷоми Раиси Вилояти Мухтори Кӯҳистони Бадахшон» дар Маҷмааи варзишии шаҳри Хоруғ бо иштироки 18 даста аз мақомоти иҷроияи ҳокимияти давлатии шаҳру ноҳияҳои вилоят, мақомоти қудратӣ ва идораву муассисаҳои давлатию ҷамиятӣ оғоз гардида, ғолибон дар арафаи ҷашни Ваҳдати миллӣ муайян мешаванд.
Дар даври аввали мусобиқа дастаи Мақомоти иҷроияи ҳокимияти давлатии ноҳияи Рӯшон бо ҳисоби 0 бар 5 аз дастаи Мақомоти иҷроияи ҳокимияти давлатии ноҳияи Роштқалъа шикаст хӯрд ва дастаи «Помир-энерҷӣ» бар тими Донишгоҳи Осиёи Марказӣ бо ҳисоби 5 бар 4 пирӯз гардид.
Дар ин давр бозӣ байни дастаи Мақомоти иҷроияи ҳокимияти давлатии шаҳри Хоруғ ва тими шуъбаи Хадамоти оташнишонии вилоят доир шуда, бо ҳисоби 10 бар 6 ба фоидаи дастаи Мақомоти иҷроияи ҳокимияти давлатии шаҳри Хоруғ ба анҷом расид. Дасти Шарикони рушд бар дастаи ҷавонони вилоят бо ҳисоби 14 бар 1 дастболо гардид.
Даври дуюми мусобиқа дар майдончаи варзишии маҳаллаи Носири Хусрав доир гардид, ки дар он дастаҳои кормандони Мақомоти иҷроияи ҳокимияти давлатии Вилояти Мухтори Кӯҳистони Бадахшон ва сохторҳои мақомоти ҳифзи ҳуқуқ бозӣ карданд. Дар ин вохӯрӣ дастаи Мақомоти иҷроияи ҳокимияти давлатии вилоят ва шаҳру ноҳияҳо нисбат ба рақибони худ бартарӣ нишон доданд.
Мутобиқи низомнома, мусобиқа ҳар ҳафта рӯзҳои шанбеву якшанбе баргузор гардида, ғолибон дар арафаи 33-солагии Истиқлолияти давлатии Ҷумҳурии Тоҷикистон муайян ва қадрдонӣ мешаванд.
АКС: АМИТ «Ховар»
ТАЪТИЛИ ТОБИСТОНА. Дар «Офтобак»-и шаҳри Норак 300 хонанда ба истироҳати бофароғат фаро гирифта мешавад
ТАШАККУЛИ ХИЗМАТИ ДАВЛАТӢ ДАР ТОҶИКИСТОН. Мулоҳизаҳои директори Агентии хизмати давлатӣ дар ин хусус
Дар Душанбе ҳамкории дуҷониба ва дурнамои шарикии стратегии ҳамаҷониба байни Тоҷикистону Чин баррасӣ гардид
ДАСТУРУ ҲИДОЯТҲОИ ПЕШВОИ МИЛЛАТ. Иқтибосҳо аз суханронии Президенти Тоҷикистон Эмомалӣ Раҳмон дар мулоқот бо фаъолон, намояндагони ҷомеа ва ходимони дини мамлакат
Чӣ тавр муштариён дар инкишофи шабакаи мобилӣ кумак мекунанд?
ТАЪМИНИ АМНИЯТИ ОЗУҚАВОРӢ. Кишоварзони ноҳияи Фархор дар заминҳои холишуда кишти такрорӣ мегузаронанд
«Ваҳдати миллӣ ба зиндагии мо файзу баракат овард!», — бардошт аз ҳамоиши фарҳангӣ дар ноҳияи Шуғнон
Дар Доғистон бар асари ҳамлаи террористӣ 15 корманди мақомоти ҳифзи ҳуқуқ ва сокинони осоишта кушта шуданд
Намояндагони Ҷумҳурии Мардумии Чин бо фаъолияти Неругоҳи барқи обии «Норак» шинос шуданд
Дар Тоҷикистон ҳавои тағйирёбандаи бебориш пешгӯӣ мешавад
ҲИСОББАРОБАРКУНИҲОИ ҒАЙРИНАҚДӢ. Дар Вазорати рушди иқтисод ва савдо доир ба дарёфти роҳҳои ҳалли мушкилиҳои ҷойдошта дар ин самт ҷаласа доир гардид
СОЛИ МАЪРИФАТИ ҲУҚУҚӢ. Дар Хоруғ аз ҷониби гурӯҳи корӣ Кодекси андози Ҷумҳурии Тоҷикистон дар таҳрири нав шарҳ дода шуд
