Директори идоракунӣ ва банақшагирии Девони вазирони Замбия Йенгве Какуса: «Мафтуни табиати зебою нотакрори Тоҷикистон гаштам»

Июнь 10, 2024 17:34

ДУШАНБЕ, 10.06.2024. /АМИТ «Ховар»/. Тибқи маълумоти Созмони Милали Муттаҳид, имрӯзҳо зиёда аз 700 миллион нафар  дар рӯи Замин аз норасоии оби ошомиданӣ танқисӣ мекашанд. Сол аз сол афзоиши  аҳолӣ ва обшавии пиряхҳо моро водор месозад, ки дар ҳалли масъалаҳои вобаста ба   ҳифзи табиат ва обу иқлим дар якҷоягӣ тадбирҳои муассир андешем. Ин чорабинӣ, ки бо ташаббуси Президенти Тоҷикистон гузаронида мешавад, аз тамоми созмону ташкилоти ҷаҳонӣ тақозо мекунад, ки ҳамкориро дар ин самт васеъ намуда, масъалаҳо доир ба обро ба таври муштарак ҳал намоем. Чунин иброз дошт имрӯз дар суҳбат бо хабарнигори АМИТ «Ховар» директори идоракунӣ ва банақшагирии Девони вазирони Замбия Йенгве Какуса зимни иштирок дар Форуми байналмилалии парлумонии  «Захираҳои об ва устувории демографӣ ба манфиати ҷавонон».

Тавре Йенгве Какуса афзуд, вобаста ба беҳдошти об якчанд масъалаҳое ҳастанд, ки дар Конференсияи об баррасӣ мешаванд. Конфронси оби Созмони Милали Муттаҳид -2023, ки 22-24 марти соли 2023 дар шаҳри Ню-Йорк (ИМА) таҳти раёсати Ҷумҳурии Тоҷикистон ва Шоҳигарии Нидерланд доир гардид, яке аз ҳамоишҳои бағоят муҳим дар доираи Даҳсолаи байналмилалии амал «Об барои рушди устувор, солҳои 2018-2028» ва дуюмин конфронси сатҳи баланд дар таърихи ин созмон буд. Ин ҳамоиши муҳим ҳазорон нафарро аз тамоми гӯшаю канори сайёра ба ҳам оварда, дар он масоили ҳамкорӣ дар соҳаи захираҳои об, истифодаи оқилонаи он, андешидани тадбирҳои муштараку ҳамоҳангӣ дар доираи Эътилофи ҷаҳонии обу иқлим баррасӣ гардиданд.

«Мо аз Конфронси Созмони Миллати Муттаҳид 2023 оид ба об, ки якчанд масъалаҳоро пешниҳод кардааст, замина дорем. Баъзе тавсияҳоеро, ки пешниҳод кардаем, мебинем, ки чӣ гуна аз уҳдаи ҳадафҳои даҳсола ва натиҷаҳои Конферонси Созмони Милали Муттаҳид оид ба об  мебароем», -афзуд ӯ.

Йенгве Какуса гуфт, ки дар Конфронси Созмони Милали Муттаҳид Президенти Тоҷикистон маротибаи  дигар зарурати таваҷҷуҳ зоҳир намудан ба масъалаҳои об, идора ва истифодаи онро, талаботи рӯзафзуни аҳолӣ ба оби ошомиданӣ ва полезӣ, обшавии пиряхҳо, офатҳои табиии ба гармшавии ҳарорати ҳаво ва обшавии пиряхҳо алоқаманд, ҳамкории минтақавӣ дар ҳалли мушкилоти об ва дигар масъалаҳои ба об алоқамандро таъкид намуда буданд.

«Бо ин ташаббуси худ Тоҷикистон  дар масъалаҳои ҳамкорӣ дар ҳавзаи об ва масъалаҳои рушди устувор дар ҷаҳон эътироф шуда, ҷойгоҳи махсус дорад.  Имрӯз тамоми ҷаҳон ба масъалаи марбут ба об таваҷҷуҳ зоҳир намуда,  дар ин самт нақши Президенти Тоҷикистон муҳтарам Эмомалӣ Раҳмон хеле зиёд аст. Зеро масъалаи об танҳо ба  як ё ду давлат  тааллуқ надошта, балки масъалаи ҷаҳонӣ мебошад», -илова кард ӯ.

Замбия Йенгве Какуса иброз дошт, ки маротибаи  аввал аст дар Тоҷикистон қарор дорад.

«Бо ворид шудан ба пойтахти Тоҷикистон — Душанбе, ки шаҳри бениҳоят зебо, тозаю озода ва сабзу хуррам  аст,  хеле хушҳол гардидам. Тамошои биноҳои баланду муосир,  кӯчаю хиёбон ва боғҳои гулпӯшаш, суҳбат бо мардуми меҳмондӯсту самимии пойтахти тоҷикон  маро хушҳол намуд. Қаблан наворҳои ҷолибро дар бораи табиати бою рангин ва зебою нотакрори  Тоҷикистон тамошо карда  будам. Имрӯз ин ҳама зебоиҳоро бо чашмони худ дида, мафтуни ин сарзамин ва сокинони гармчеҳраю меҳрубонаш  гаштам. Фикр мекунам, ки мардуми Тоҷикистон хушбахтанд, ки чунин Ватани зебо ва зиндагии осуда доранд. Хушбахтӣ ва дороии онҳо  табиати нотакрор, чашмаҳои мусаффо ва дарёҳои равон ва муҳимтар аз ҳама, тинҷиву осудагии  сарзаминашон мебошад, ки ба қадри он  бояд расид»,- мегӯяд ҳамсуҳбати мо.

Зарангези ЛАТИФ,
АМИТ «Ховар»

АКС: АМИТ «Ховар»

Июнь 10, 2024 17:34

Хабарҳои дигари ин бахш

ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Эмомалӣ Раҳмон: «Ватанамонро соҳибӣ мекунем, обод мекунем ва намегузорем, ки халқамон дастнигари дигарон шавад»
ИЛМ АҲЛИ ЗИЁРО БА СӮИ ДАСТОВАРДҲОИ БЕНАЗИР РАҲНАМОӢ МЕНАМОЯД. Андешаҳо дар ҳошияи мулоқоти Президенти Тоҷикистон бо аҳли илм ва маорифи мамлакат
ИҚТИСОДИ «САБЗ». Намояндаи Ироқ Ҳотам Ҳусейн: «Шумораи зиёди электромобилҳо дар Душанбе аз тадбирҳои тоза нигоҳ доштани муҳити зист дарак медиҳад»
Президенти Гурӯҳи Бонки исломии рушд Муҳаммад Сулаймон Ал-Ҷассер бо НБО-и «Норак» шинос шуд
Байни вазоратҳои корҳои хориҷии Тоҷикистон ва Ангола Барномаи ҳамкорӣ ба имзо расид
«ТОҶИКИСТОНРО ЧУН БИҲИШТИ РӮИ ЗАМИН ДАРЁФТЕМ». Бардошти меҳмонон пас аз шиносоӣ бо сохтмони Неругоҳи барқи обии «Роғун»
Эмомалӣ Раҳмон: «Иди Қурбон тӯй ё маросиме нест, ки боиси вазнин шудани вазъи молии инсон ва аъзои оилаи вай гардад»
Дар Донишгоҳи байналмилалии забонҳои хориҷии Тоҷикистон оид ба «Истифодаи оқилонаи захираҳои об дар шароити тағйирёбии иқлим» ҳамоиш баргузор шуд
Президенти Бонки исломии рушд бо унвони «Профессори фахрӣ»-и Донишгоҳи байналмилалии сайёҳӣ ва соҳибкории Тоҷикистон сарфароз гардид
Дар Душанбе оид ба ҳаракати аҳолӣ дар заминаи тағйирёбии иқлим дар минтақаҳои кӯҳӣ ҳамоиш доир шуд
Таҳкими дурнамои ҳамкорӣ байни Маркази тадқиқоти стратегӣ ва Машварати ҳамкорӣ ва тадбирҳои боварӣ дар Осиё баррасӣ шуд