«СОЛИ 2025 — СОЛИ БАЙНАЛМИЛАЛИИ ҲИФЗИ ПИРЯХҲО». Дар Душанбе озмуни ҷумҳуриявӣ ҷамъбаст шуд
ДУШАНБЕ, 01.06.2024 /АМИТ «Ховар»/. 31 май дар Душанбе таҳти раёсати муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ озмуни ҷумҳуриявии асари беҳтарин дар мавзуи «Соли 2025 — Соли байналмилалии ҳифзи пиряхҳо» ҷамъбаст гардид. Дар ин хусус ба АМИТ «Ховар» дар Маҷлиси намояндагон иттилоъ доданд.
Гуфта шуд, ки дар асоси Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2023 ва вобаста ба ташаббуси Ҷумҳурии Тоҷикистон қабул гардидани Қатъномаи Маҷмаи Умумии Созмони Милали Муттаҳид оид ба эълон намудани соли 2025 — Соли байналмилалии ҳифзи пиряхҳо ва 21 март Рӯзи ҷаҳонии пиряхҳо озмуни ҷумҳуриявии асари беҳтарин дар мавзуи «Соли 2025-Соли байналмилалии ҳифзи пиряхҳо» гузаронида шуд.
Ҳадафи озмун ҷалби ҷомеаи шаҳрвандӣ ба ҳалли масъалаҳои экологӣ, хусусан ба масъалаҳои тағйирёбии иқлим, гармшавии глобалӣ, хушксолӣ, обшавии пиряхҳо ва ҳифзи манбаъҳои об мебошад.
Масъулони баргузории озмун Комиссияи экологии Маҷлиси намояндагон, Кумитаи ҳифзи муҳити зисти назди Ҳукумати ҷумҳурӣ ва нашрияи «Садои мардум» мебошанд.
Озмун дар як давр- аз 1 сентябри соли 2023 то 1 майи соли 2024 гузаронида шуда, ба Комиссияи озмун 116 асару мақола, гузоришҳои телевизионӣ ва радиоӣ бо забонҳои тоҷикӣ, русӣ ва англисӣ роҳ ёфтанд.
Ҳамин тариқ, ҷойи якум бо Дипломи дараҷаи I ва туҳфаи хотиравӣ ба Муассисаи давлатии рӯзномаи «Инсон ва табиат», ҷойи дуюм бо Дипломи дараҷаи II ва туҳфаҳои хотиравӣ ба се нафар — муовини якуми директори Муассисаи давлатии телевизиони «Сайёҳӣ ва ҳунарҳои мардумӣ», Муассисаи давлатии илмии «Маркази омӯзиши пиряхҳои Академияи миллии илмҳои Тоҷикистон», сардори раёсати истеҳсоли филмҳои телевизионии Муассисаи давлатии телевизиони «Илм ва табиат» ва ҷойи сеюм бо Дипломи дараҷаи III ва туҳфаҳои хотиравӣ ба шаш нафар тақдим гардид.
АКС: Маҷлиси намояндагони Маҷлиси Олии Ҷумҳурии Тоҷикистон
Рустами Эмомалӣ бо Тсюй Дунъюй мулоқот намуданд
ТОҶИКИСТОН — ДАВЛАТИ ТАШАББУСКОР. Иқдомҳои Президенти Тоҷикистон ба пешгирии тағйирёбии иқлим ва обшавии босуръати пиряхҳои минтақаю ҷаҳон нигаронида шудаанд
РАВАНДИ ОБИ ДУШАНБЕ. Намоишгоҳи байналмилалии «Устувории об барои ҳалли масъалаҳои иқлимӣ» ташкил карда мешавад
РАВАНДИ ОБИ ДУШАНБЕ. Дар доираи Конфронси чоруми байналмилалии сатҳи баланд Фестивали об гузаронида мешавад
Файзалӣ Идизода бо Сафири Покистон дар Тоҷикистон мулоқот намуд
РАВАНДИ ОБИ ДУШАНБЕ. Дар Конфронси чоруми байналмилалии сатҳи баланд ҳузури беш аз 2500 иштирокчӣ аз 100 давлати ҷаҳон пешбинӣ шудааст
РАВАНДИ ОБИ ДУШАНБЕ. Дар Боку нишасти матбуотӣ оид ба Конфронси 4-уми байналмилалии сатҳи баланд доир шуд
ФАЗИЛАТИ ВАТАНДӮСТӢ ДАР «ШОҲНОМА». Ин достон ба дониш, муҳаббат ва ирода асос ёфтааст
РАВАНДИ ОБИ ДУШАНБЕ. Дар Давлати Кувайт нишасти матбуотӣ оид ба Конфронси чоруми байналмилалии сатҳи баланд доир шуд
Меҳмонони Конфронси 35-уми минтақавии Созмони озуқаворӣ ва кишоварзии СММ бо имконоти сайёҳии Тоҷикистон шинос мегарданд
Таҳкими ҳамкории байнипарлумонии Тоҷикистон ва Фаронса баррасӣ шуд
