Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
ДУШАНБЕ, 23.07.2024/АМИТ «Ховар»/. Панҷ нафар варзишгари имконияташон маҳдуд аз шаҳри Ҳисор дар ҳайати дастаи мунтахаби Тоҷикистон дар Мусобиқаи байналмилалӣ оид ба вазнбардорӣ, ки аз 15 то 20 июли соли равон дар шаҳри Уст-Каменагорски Ҷумҳурии Қазоқистон баргузор гардид, бо медалҳои тилло ва нуқра ба Тоҷикистон баргаштанд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Варзишгарону волидони онҳо дар фазои тантанавӣ бо «Сипоснома» ва мукофотпулӣ сарфароз гардонида шуданд.
Варзишгарон- дастпарварони Мактаби варзишии ба номи Абдуманнон Зокирови шаҳри Ҳисор мебошанд. Мизробиддин Олимови 16-сола дар вазни 52 кг бо бардоштани вазни 80 кг ва гузоштани рекорди ҷаҳонӣ соҳиби медали тилло, Ҳабибулло Ҳафизови 38 –сола дар 68 кг бо бардоштани вазни 120 кг ва гузоштани рекорди ҷаҳонӣ соҳиби медали тилло, Сунатулло Холови 15-сола дар вазни 60 кг бо бардоштани вазни 65 кг соҳиби медали нуқра, Фатҳиддин Аҳмадови 16 –сола дар вазни 68 кг бо бардоштани вазни 90 кг соҳиби медали нуқра ва мураббии Мактаби варзишии шаҳр Мирзобобур Насриддинов дар вазни 95 кг бо бардоштани вазни 140 кг соҳиби медали нуқра гардиданд.
АКС: Мақомоти иҷроияи ҳокимияти давлатии шаҳри Ҳисор
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
