Дар минтақаи Искандаркӯл давраи омӯзишии «Мубодилаи таълимӣ ва амалии намояндагони «Нозирони сабз» -2024» гузаронида шуд
ДУШАНБЕ, 12.07.2024 /АМИТ «Ховар»/. Дар минтақаи Искандаркӯл давоми се рӯз давраи омӯзишии «Мубодилаи таълимӣ ва амалии намояндагони «Нозирони сабз» -2024» баргузор гардид, ки дар он аъзоёни ҳаракати ҷавонони «Нозирони сабз» аз муассисаҳои таълимии 11 шаҳру ноҳияҳои вилояти Суғд ва 2 шаҳри Узбекистон иштирок намуданд, хабар медиҳад АМИТ «Ховар» бо истинод ба Кумитаи ҳифзхи муҳити зисти назди Ҳукумати Ҷумҳурии Тоҷикистон.
Давраи омӯзишӣ бо ташаббуси Сарраёсати ҳифзи муҳити зист дар вилояти Суғд дар ҳамкорӣ бо ташкилоти ҷамъиятии «Гурӯҳи ҷавонон оид ба ҳифзи муҳити атроф», Маркази таҳсилоти иловагии Раёсати маорифи вилоят ва дар доираи лоиҳаи миллии идоракунии захираҳои об ташкил карда шуд.
Барои иштирокдорон мавзеъҳои шаршара ва моркӯл, ки дар атрофи Искандаркӯл воқеанд сайёҳат, дарсҳои амалӣ оид ба маҳорати сохтани хаймаҳо ва рафтори дурусти сайёҳӣ ташкил карда шуда, ҳамчунин ҷавонон бо сохтани тарҳи ҳавзаи дарёи Сир, ки онҳоро муттаҳид мекард, машғул шуданд. Дар баробари ин, аъзоёни ҳаракати «Нозирони сабз» дониши экологии худро доир ба масъалаҳои ҳифзи муҳити зист дар бозии зеҳнии «Чӣ? Дар куҷо? Кай?» нишон дода, инчунин дарсҳои иттилоотӣ ва амалӣ аз ҷониби намояндагони Ташкилоти ҷамъиятии «Гурӯҳи ҷавонон оид ба ҳифзи муҳити атроф» гузаронида шуд.
Давраи омӯзишии «Мубодилаи таълимӣ ва амалии намояндагони «Нозирони сабз» -2024» дар доираи «Форуми дуюми ҷавонони ҳавзаи дарёи Сир», ки дар аввали фасли тирамоҳ бо иштироки боз ҳам бештари аъзоёни ҳаракати «Нозирони сабз» доир мегардад, гузаронида шуд.
АКС: Кумитаи ҳифзхи муҳити зисти назди Ҳукумати Ҷумҳурии Тоҷикистон
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
