Дар ноҳияи Данғара бо иштироки занони фаъол ҳамоиши фарҳангӣ — фароғатӣ баргузор гардид
ДУШАНБЕ, 08.07.2024 /АМИТ «Ховар»/. Имрӯз дар ноҳияи Данғара аз ҷониби занони фаъоли вилояти Хатлон намоиши ҳунарҳои мардумӣ, барномаи фарҳангӣ — фароғатӣ ва мулоқоту суҳбат бо сокинон дар мавзуъҳои муҳими рӯз баргузор гардид. Дар ин хусус ба АМИТ «Ховар» дар Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд.
Дар намоишгоҳ маҳсули дасти ҳунармандони мардумӣ, аз қабили гулдӯзӣ, сӯзанӣ, зардӯзӣ ва попурӣ муаррифӣ карда шуд. Ҳамчунин аз ҷониби кадбонуҳо тарзи омода намудани таомҳои миллӣ нишон дода шуда, тарроҳон ва чеварон либосӣ миллии муосирро тарғиб намуданд.
Ҳамчунин дар доираи баргузории чорабиниҳои мазкур, намояндагони Кумитаи кор бо занон ва оила бо собиқадорони фаъоли ноҳия суҳбат ороста, фаъолияти меҳнатии онҳоро намунаи ибрат барои насли имрӯза арзёбӣ намуданд.
Дар ин рӯз масъулони Кумита, бо усули «Маҳал ба маҳал», «Деҳа ба деҳа» бо сокинони ноҳии Данғара доир ба таъмини амнияти озуқаворӣ, истифодаи самараноки заминҳои наздиҳавлигӣ, захираи маҳсулот, инчунин риояи ҷашну маросим, таълиму тарбияи насли наврас дар руҳияи ватандустӣ корҳои фаҳмондадиҳӣ гузарониданд.
Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода иброз намуд, ки «имрӯз аз ҷониби Ҳукумати мамлакат барои занон тамоми шароит ва имкониятҳо фароҳам оварда шудааст. Мо, занон-модарон, пеш аз ҳама бояд дар таълиму тарбияи насли наврас саҳмгузор бошем».
«Яке аз ин ташаббус ва дастгириҳои Пешвои миллат муҳтарам Эмомалӣ Раҳмон, ин эълон гардидани соли 2018 Соли рушди сайёҳӣ ва ҳунарҳои мардумӣ, солҳои 2019-2021- Солҳои рушди деҳот, сайёҳӣ ва ҳунарҳои мардумӣ ва солҳои 2022-2026 -Солҳои рушди саноат, қабул гардидани «Барномаи рушди ҳунармандӣ дар Ҷумҳурии Тоҷикистон барои солҳои 2021-2025», инчунин аз пардохти андоз аз маҳсулоти дар хона истеҳсолшуда озод кардани ҳунармандон мебошад, ки имконияти хубест барои фаъолияти ҳунармандии занони мамлакат»,- афзуд номбурда.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
