Футзалбозони тоҷик дар Тошканд бо дастаҳои мунтахаби Узбекистон, Гватемала ва Қирғизистон бозӣ мекунанд
ДУШАНБЕ, 07.07.2024 /АМИТ «Ховар»/. Дастаи мунтахаби футзали Тоҷикистон таҳти роҳбарии Пайрав Воҳидов дар доираи омодагӣ ба Ҷоми ҷаҳон-2024 дар Мусобиқаи байналмилалии дӯстона ба хотири гиромидошти собиқ президенти Ассосиатсияи футболи Узбекистон Мираброр Усмонов, ки аз 19 то 24 июли соли равон дар шаҳри Тошканд баргузор мешавад, иштирок мекунад. Дар ин хусус шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон хабар медиҳад.
Дар мусобиқаи Тошканд дастаҳои мунтахаби Тоҷикистон, Узбекистон, Гватемала ва Қирғизистон иштирок намуда, дар марҳилаи гурӯҳӣ дар як давр бо ҳам бозӣ мекунанд. Сипас ду дастаи аввал дар финал байни ҳам вомехӯранд ва дастаҳои мунтахабе, ки дар марҳилаи гурӯҳӣ ҷойҳои 3-4-умро мегиранд, барои медали биринҷӣ байни ҳам рақобат менамоянд. Ҳамаи бозиҳо дар Маҷмааи варзишии «Юнусобод»-и шаҳри Тошканд баргузор мешаванд.
Бояд гуфт, ки барои дастаи мунтахаби футзали Тоҷикистон иштирок дар мусобиқа ба хотири Мираброр Усмонов як марҳилаи омодагӣ ба Ҷоми ҷаҳон-2024 мебошад, ки аз 14 сентябр то 6 октябри соли равон дар Узбекистон баргузор мешавад.
Дар марҳилаи гурӯҳии Ҷоми ҷаҳон-2024 дастаи мунтахаби Тоҷикистон дар гурӯҳи «Е» баромад мекунад. Ҳарифони дастаи мунтахаби Тоҷикистон дастаҳои мунтахаби яккачинҳои Марокаш (16 сентябр), Португалия (19 сентябр) ва Панама (22 сентябр) мебошанд.
АКС: Федератсияи футболи Тоҷикистон
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
