НИШАСТИ МАТБУОТӢ. Кумитаи забон ва истилоҳот забони матни ангораҳо ва навиштаҷоту овезаҳои рекламавиро баррасӣ ва мувофиқа намуд
ДУШАНБЕ, 30.07.2024. /АМИТ «Ховар»/. Кумитаи забон ва истилоҳоти назди Ҳукумати Ҷумҳурии Тоҷикистон дар ҳамкорӣ бо Муассисаи давлатии «Рекламаи берунӣ ва ороиши шаҳри Душанбе» 246 маводи ташкилоту муассисаҳои рекламаистеҳсолкунанда ва соҳибкорони инфиродӣ- забони матни ангораҳо ва навиштаҷоту овезаҳои рекламавиро барои мутобиқат намудан ба талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» мавриди баррасӣ қарор дода, онро мувофиқа намуд. Дар ин хусус раиси ин Кумита Олимҷон Муҳаммадҷонзода имрӯз дар ҷараёни нишасти матбуотӣ ба хабарнигорон иттилоъ дод.
Ба гуфтаи раиси Кумита, ба соҳибкорон пеш аз бақайдгирии расмии фаъолияти тиҷоратӣ, яъне номгузории марказу мағозаҳои савдо хулосаи забоншиносӣ пешниҳод мегардад, ки мақсади он аз байн бурдани ғалатнависӣ дар номи мағозаву дӯконҳои ҳудуди ҷумҳурӣ мебошад.
«Дар шашмоҳаи якуми соли 2024 аз ҷониби судҳои ҷумҳурӣ вобаста ба риоя нагардидани талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» 22 парвандаи ҳуқуқвайронкунии маъмурӣ нисбат ба 22 нафар моҳиятан баррасӣ карда шуда, ба шахсони ҳуқуқвайронкунанда ҷазои ҷаримаи маъмурӣ ба андозаи 22 ҳазору 968 сомонӣ таъйин гардид, ки аз ин маблағ 9936 сомонӣ ба фоидаи давлат рӯёнида шуд», -афзуд Олимҷон Муҳаммадҷонзода.
Иттилоъ дода шуд, ки соли 2024 бо мақсади санҷиши вазъи риояи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» ва иҷрои қарорҳои Ҳукумати Ҷумҳурии Тоҷикистон «Дар бораи Барномаи рушди забони давлатӣ барои солҳои 2020-2030», «Дар бораи Қоидаҳои имлои забони тоҷикӣ ва Аломатҳои китобати забони тоҷикӣ» ва «Дар бораи Феҳристи номҳои миллии тоҷикӣ» фаъолияти 8 мақомоту муассисаи давлатӣ мавриди назорату санҷиш қарор дода шуд.
«Илова бар ин намояндаи Кумита дар ҳайати гурӯҳи кории Дастгоҳи иҷроияи Президенти Ҷумҳурии Тоҷикистон вазъи риояи муқаррароти Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» ва иҷрои қарори Ҳукумати Ҷумҳурии Тоҷикистон «Дар бораи Қоидаҳои имлои забони тоҷикӣ ва Аломатҳои китобати забони тоҷикӣ»-ро дар Муассисаи давлатии «Маркази миллии тиббии Ҷумҳурии Тоҷикистон «Шифобахш» мавриди санҷиш ва назорат қарор дод», -иброз дошт Раиси Кумитаи забон ва истилоҳот.
Зарангези ЛАТИФ,
АМИТ «Ховар»
АКС: АМИТ «Ховар»
Дар Тоҷикистон беш аз 2 ҳазор муассисаи фарҳангӣ фаъолият менамояд
РУШДИ САЙЁҲӢ. Дар шаҳри Бӯстон барои ҳунармандони истеҳсолкунандаи армуғон озмун эълон гардид
Нақши тоҷикон дар ташаккул ва рушди Роҳи бузурги Абрешим дар Душанбе баррасӣ шуд
«ДУРАХШИ АХТАРОН: ҶОМӢ ВА НАВОӢ». «Тоҷикфилм» ва «Узбекфилм» санҷиши видеоии ҳунарпешаҳоро барои ин филм оғоз намуданд
«ТОҶИКИСТОН-ВАТАНИ АЗИЗИ МАН». Аз 25 то 30 сентябр даври сеюми озмуни ҷумҳуриявӣ баргузор мегардад
Дар Осорхонаи миллии Тоҷикистон доир ба ҳунарҳои мардумӣ намоиш баргузор мегардад
«ОЗАР». Дар Тоҷикистон бори аввал Фестивали байналмилалии ҳунармандӣ баргузор мегардад
«ҚАДРШИНОСИИ ҲУНАРИ АСИЛ». Дар Душанбе Синамоҷоизаи дуюми миллии «Тоҷи Сомон» доир мегардад
«ТОҶИКОН ДАР ОИНАИ ТАЪРИХ. АЗ ОРИЁН ТО СОМОНИЁН». Ин асари таърихии Пешвои миллат бо забони кореягӣ рӯнамоӣ гардид
«ОБУ НОНАМ, ҶИСМУ ҶОНАМ, ОРМОНАМ, ТОҶИКИСТОН!». Ду шеъри шоир Камол Насрулло эҳдо ба 33-солагии Истиқлолияти давлатии Тоҷикистон
ИСТИҚЛОЛИЯТИ ДАВЛАТӢ. Он барои миллати тоҷик эҳёи навин, ҳосили хиради зотӣ ва подоши сазовори таърихӣ мебошад
«ЗИ ДУРИИ ЗАМОНАҲО РАСИДАЕМ…». Имрӯз аз қабули Суруди миллии Тоҷикистон 30 сол сипарӣ мегардад
