СОЛИ МАЪРИФАТИ ҲУҚУҚӢ. Бахшида ба он дар ноҳияи Нуробод бо сокинон вохӯрӣ доир шуд
ДУШАНБЕ, 13.07.2024 /АМИТ «Ховар»/. Ҷавҳари аслии Конститутсияи Ҷумҳурии Тоҷикистонро эҳтиром ба ҳуқуқу озодиҳои инсон ва шаҳрванд, арзишҳои волои ахлоқӣ, инсондӯстӣ, баробарӣ, шоистасолорӣ, дӯстӣ, ҳамдилӣ ва ваҳдати комили халқ ташкил медиҳад. Чунин гуфта шуд дар ҳамоише, ки дар мавзуи «Конститутсия — омили истеҳкомбахши маърифати ҳуқуқӣ» дар ноҳияи Нурбод баргузор гардид.
Тавре ба АМИТ «Ховар» дар Кумитаи иҷроияи Ҳаракати ваҳдати миллӣ ва эҳёи Тоҷикистон иттилоъ доданд, ҳамоиш дар иртибот ба ҷашни 30-солагии қабули Конститутсияи Ҷумҳурии Тоҷикистон ва эълон гардидани соли 2024 – Соли маърифати ҳуқуқӣ гузаронида шуда, дар он намояндагони мақомоти марбутаи мамлакат ва сокинони ноҳияи Нуробод иштирок намуданд.
Гуфта шуд, ки баргузории ҳамоиш дар ин ноҳияи дурдасти ҷумҳурӣ амри зарурӣ буда, баҳри баланд бардоштани маърифти сиёсиву ҳуқуқии сокинон нақши муҳим хоҳад гузошт.
Иштирокдорони ҳамоиш дар бораи дастовардҳое, ки Тоҷикистон бо шарофати қабули Конститутсия ба он ноил гардидааст, ибрози андеша намуданд.
Таъкид гардид, ки Конститутсия сарчашма ва кафили бақои ваҳдату ягонагӣ ва сулҳу суботи сиёсӣ маҳсуб ёфта, дар он иродаи ягонаи сиёсии мардум таҷассум гардидааст. Мардуми Тоҷикистон бо ихтиёр ва истифода аз ҳаққи интихоби худ Конститутсияро қабул намуда, роҳи минбаъдаи давлатро мушаххас карданд. Ин санади тақдирсоз ҳамчун таҳкурсии мустаҳками ҳуқуқии бинои давлатдорӣ дар баланд бардоштани маърифати ҳуқуқии шаҳрвандон таъсиргузор аст.
Ҳамзамон дар ҳамоиш доир ба волоият ва арзиши баланди қонун, эҳтиром ба он ва бо ин роҳ тақвияти маърифати ҳуқуқӣ дар ҷомеа, инчунин оид ба масъалаҳои гаравидани ҷавонон ба ҳизбу ҳаракатҳои ифротӣ ва гурӯҳҳои террористиву ифротӣ, истифодаи нодуруст аз воситаҳои иттилоотӣ, шабакаҳои иҷтимоӣ ва сомонаҳои интернетӣ, пешгирии хурофоту таассуб, бегонапарастӣ, танзими анъана, ҷашну маросим ибрози назар карда шуд.
Таъкид шуд, ки сабаби аслии мавҷудияти чунин мушкилиҳо дар ҷомеа, ин паст будани маърифати ҳуқуқии шаҳрвандон мебошад. Бинобар ин, зарур аст, ки бо таблиғу ташвиқ ва омӯзишу тадрис сатҳи дониши сиёсиву ҳуқуқии шаҳрвандон баланд бардошта шавад.
АКС: Кумитаи иҷроияи Ҳаракати ваҳдати миллӣ ва эҳёи Тоҷикистон
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
