Дар шаҳри Бохтар аз хизматҳои шоёну ибратбахши собиқадорони соҳаи варзиш ёдоварӣ гардид
ДУШАНБЕ, 09.08.2024. /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи варзишгарони Тоҷикистон (10 август) ва ҷашни Истиқлоли давлатӣ дар шаҳру ноҳияҳои вилояти Хатлон силсилавохӯриҳо идома доранд. Аз ҷумла, дар шаҳри Бохтар ба дидани собиқадорони соҳаи варзиш рафта, ба онҳо кумак расонида шуд. Дар ин хусус ба АМИТ «Ховар» дар Кумитаи кор бо ҷавонон ва варзиш хабар доданд.
Дар ҷараёни вохӯрӣ намояндагони Кумитаи кор бо ҷавонон ва варзиш аз хизматҳои шоёну ибратбахши собиқадорони соҳаи варзиш ёдоварӣ ва ба онҳо арзи сипос намуданд.
Ҳамзамон таваҷҷуҳу ғамхории Ҳукумати мамлакат, хосса Пешвои миллат муҳтарам Эмомалӣ Раҳмон нисбат ба ин қишри ҷомеа махсусан таъкид шуд.
Иброз гардид, ки аз ҷониби Ҳукумати Ҷумҳурии Тоҷикистон санаде ба имзо расид, ки ғолибон ва ҷоизадорони бозиҳои олимпӣ, паралимпӣ ва сурдлимпӣ дар Ҷумҳурии Тоҷикистон минбаъд бо стипендияи моддии моҳонаи якумра ҳавасманд карда мешаванд. Ин иқдом ба пешрафти соҳа мусоидат менамояд.
Ёдовар мешавем, ки тибқи Қонуни Ҷумҳурии Тоҷикистон «Дар бораи рӯзҳои ид» ҳамасола 10 август Рӯзи варзишгарони Тоҷикистон муқаррар шудааст.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Имрӯз дар шаҳри Душанбе ҳаво то 38 дараҷа гарм мешавад
Имрӯз дар якчанд кумитаву идора нишасти матбуотӣ баргузор мегардад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
Имрӯз дар шаҳри Душанбе ҳаво то 34 дараҷа гарм мешавад
