Комроншоҳи Устопириён пас аз рақобат дар Бозиҳои олимпии Париж-2024 ба корномаи варзишиаш хотима бахшид
ДУШАНБЕ, 01.08.2024 /АМИТ «Ховар»/. Паҳлавони маъруфи тоҷик Комроншоҳи Устопириён ба корномаи варзишиаш хотима бахшид. Комроншоҳи Устопириён давоми фаъолият дар намуди варзиши самбо (5 маротиба), гӯштини қазоқӣ (1маротиба) ва гӯштини кураши узбеки (1 маротиба), дар маҷмуъ 7 маротиба чемпиони ҷаҳон гардидааст.
Хотиррасон менамоем, ки Комроншоҳи Устопириён аз 3-солагӣ тамринро оғоз карда, аввал ба гӯштини самбо ва баъдан ба ҷудо машғул гардид. Дар намуди варзиши самбо низ ба натиҷаҳои баланди варзишӣ расида, ду маротиба байни наврасон ва ду маротиба байни ҷавонон чемпиони ҷаҳон гардидааст. Инчунин як маротибаи дигар байни ситорагони самбо ғолиб омадааст.
Комроншоҳ аз соли 2012 ба гӯштини ҷудо машғул шуда, то имрӯз барои баланд бардоштани парчами Тоҷикистон заҳматҳо кашидааст. Дар ҷудо низ 4 маротиба ғолиби Гран При, 2 маротиба чемпиони Осиё гардидааст, ки дар таърихи гӯштини ҷудои ватанамон он бо ҳарфҳои заррин навишта шудааст.
Инак Комроншоҳи Устопириён корномаи варзишиашро ба анҷом расонид. Бозиҳои олимпии Париж-2024 охирин мусобиқа дар корномаи ин ҷудочии соҳибноми тоҷик буд. Комроншоҳи Устопириён ба ҳайси номбардори миллати тоҷик ва варзишгари маъруф бо ҳунарнамоиҳои ҷолибу ҷаззоб дар майдонҳои бузург, бо шоҳкорию таърихсозиҳо дар дили мардуми тоҷик ҷой гирифта, исмашро дар таърихи варзиши тоҷик ба таври абадӣ ҳаккокӣ намуд.
Меҳрони ҚУРБОН,
АМИТ «Ховар»
АКС аз Федератсияи байналмилалии ҷудо
Ваҳдати миллӣ меҳвари асосии худшиносӣ ва кафили соҳибихтиёрии давлат аст
Дар шаҳри Турсунзода байни духтарон эстафетаи футбол, машқҳои шавқовар ва озмунҳои гуногун доир карда шуд
Намояндагони воситаҳои ахбори омма бо натиҷаҳои татбиқи лоиҳаҳои Барномаи рушди СММ дар вилояти Суғд шинос мешаванд
Имрӯз дар водиҳои Тоҷикистон ҳаво то 39 дараҷа гарм мешавад
Хадамоти назорати давлатии бехатарии корҳо дар саноат ва соҳаи кӯҳкорӣ оид ба риояи талаботи бехатарии саноатӣ машварат доир намуд
Имрӯз дар шаҳри Душанбе ҳаво то 34 дараҷа гарм мешавад
Дар ноҳияҳои Панҷ, Фархор ва Ҳамадонӣ раванди корҳои соҳилмустаҳкамкунӣ пурзӯр карда мешаванд
Имрӯз дар водиҳои Тоҷикистон ҳаво то 37 дараҷа гарм мешавад
Дар Душанбе бо иштироки муовини Сарвазири Тоҷикистон оид ба пешгирии талафот ва истифодаи ғайриқонунии неруи барқ ҷаласа доир шуд
Имрӯз дар шаҳри Душанбе рӯзона ҳаво то 35 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
