Корхонаи таъминоти об ва канализатсияи шаҳри Хоруғ соҳиби се техникаи муосир гардид
ХОРУҒ, 04.08.2024 /АМИТ «Ховар»/. Дар доираи татбиқи марҳилаи дуюми Лоиҳаи «Барқарорсозии системаи обтаъминкунӣ ва канализатсия шаҳри Хоруғ», ки дар доираи ҳамкории Ҳукумати Ҷумҳурии Тоҷикистон бо Бонки ҷаҳонӣ амалӣ мегардад, ба Корхонаи таъминоти об ва канализатсияи шаҳри Хоруғ 3 нақлиёт дастрас гардид. Корхонаи таъминоти об ва канализатсия қаблан 6 нақлиёти соҳавӣ дошта, дар доираи татбиқи марҳилаи дуюми ин лоиҳа боз соҳиби 3 нақлиёти нави истеҳсоли Ҷумҳурии Мардумии Чин ва Федератсияи Русия гардид.
Директори ин корхона Зарифхон Зарифхонов ба хабарнигори минтақавии АМИТ «Ховар» Файз Мирасан гуфт, ки «таҷҳизоти техникӣ аз як нақлиёти калони партовпарто, як трактор, як мошини сабукрав иборат мебошанд. Лоиҳаи «Барқарорсозии системаи обтаъминкунии шаҳри Хоруғ» аз ду марҳила иборат буда, барои татбиқи он 4 миллион доллари амрикоӣ ҷудо шудааст. То имрӯз ба маблағи 3 миллиону 300 ҳазор доллари амрикоӣ корҳои бунёду барқарорсозии хатҳои обгузару корезӣ ба анҷом расонда шудаанд».
Зарифхон Зарифхонов гуфт, ки ҳоло дастрасии сокинони шаҳр ба оби пок беҳтар гардидааст. Агар соли 2021 танҳо 60 фоизи сокинони маркази вилоят бо оби ошомиданӣ таъмин гардида бошанд, имсол ин рақам ба 90 фоиз расидааст. Сол аз сол заминаи моддӣ- техникии корхона қавӣ гардида, инфрасохтори он низ ба таври шинохтанашаванд тағйир ёфтааст.
АКС: АМИТ «Ховар»
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
