СОЛҲОИ РУШДИ САНОАТ. Дар Бадахшон 19 коргоҳу корхонаи саноатӣ ба истифода дода шуд
ДУШАНБЕ, 13.08.2024 /АМИТ «Ховар»/. Дар шашмоҳаи якуми имсол дар Вилояти Мухтори Кӯҳистони Бадахшон бахшида ба Солҳои рушди саноат (2022-2026) 19 коргоҳу корхонаи саноатӣ ба истифода дода шуд. То охири сол 30 корхона ва коргоҳи саноатӣ мавриди истифода қарор мегирад. Дар ин хусус 12 август зимни нишасти матбуотӣ Раиси Вилояти Мухтори Кӯҳистони Бадахшон Алишер Мирзонабот иттилоъ дод.
Инҳо корхонаҳои коркарди мева, гӯшту маҳсулоти гӯштӣ, фабрикаи мурғпарварӣ, ду хоҷагии калони моҳипарварӣ, корхонаи истеҳсоли шир ва маҳсулоти ширӣ, гиёҳҳои шифобахши Бадахшон, равғани ангат, коргоҳи макаронбарорӣ, корхонаи калони сангбарорӣ ва ғайра мебошанд.
Ҳаҷми истеҳсоли маҳсулоти саноатӣ ва хизматрасонӣ дар ин давра 94,9 миллион сомониро ташкил дод, ки нисбат ба ҳамин давраи соли 2023 19,8 миллион сомонӣ зиёд мебошад.
Дар нишаст иттилоъ дода шуд, ки дар шаш моҳ корхонаҳои дӯзандагии вилоят ба маблағи 2,7 миллион сомонӣ маҳсулот истеҳсол намуданд, ки нисбат ба ҳамин давраи соли 2023 73 фоиз зиёд мебошад.
То 1 июли соли 2024 аз ҷониби корхонаҳои дӯзандагии вилоят ба миқдори 11 006 адад либоси мактабӣ дӯхта шудааст.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар Барселона имконоти сармоягузории Тоҷикистон муаррифӣ гардид
СОҲИБКОРӢ ҲАМ МАСЪУЛИЯТ МЕХОҲАД! Аз ҷониби кормандони Кумитаи бехатарии озуқаворӣ маҳсулоти гӯштии бесифат мусодира карда шуд
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
Дар Тоҷикистон 556,5 гектар боғҳои нав бунёд карда шуданд
ЗЕҲНИ СУНЪӢ ЧИСТ? Ва ё мошинҳои ҳисоббарор метавонанд ба монанди инсон фикр карда, қарор қабул намоянд?
Муҳлати лоиҳаи содагардонии расмиёти савдо дар Осиёи Марказӣ то соли 2029 тамдид карда шуд
Тоҷикистон ва Қирғизистон ҳамкориро дар соҳаи инноватсия ва технологияҳои рақамӣ тақвият медиҳанд
Намояндагони Тоҷикистон дар Форуми байналмилалӣ оид ба таҳкими ҳамкорӣ дар самти мубориза бо маводи мухаддир ва ҷинояткорӣ иштирок намуданд
Дар Душанбе Форуми 10-уми Осиёи Марказӣ оид ба идоракунии интернет – CAIGF 2026 баргузор шуд
Дар Душанбе нахустин конфронси байналмилалӣ оид ба мониторинг ва арзёбӣ баргузор шуд
Табодули мол байни Тоҷикистон ва давлатҳои иштирокчии Барномаи махсуси СММ барои иқтисодиёти Осиёи Марказӣ ба 2,1 миллиард доллар расид
