Ҳайати Донишгоҳи техникии Тоҷикистон дар конференсияи байналмилалӣ дар Самарқанд иштирок дорад
ДУШАНБЕ, 25.09.2024 /АМИТ «Ховар»/. 23 сентябр дар Донишгоҳи меъморӣ ва сохтмони Самарқанд ба номи Мирзо Улуғбек дар мавзуи «Сифати ҳавои дохилӣ ва муҳити атроф» конференсияи байналмилалӣ оғоз гардид, ки дар он ҳайати Донишгоҳи техникии Тоҷикистон ба номи академик Муҳаммад Осимӣ иштирок дорад.
Тавре ба АМИТ «Ховар» дар Донишгоҳи техникӣ хабар доданд, дар конференсия коршиносон вобаста ба кам намудани ҳаҷми партовҳо ба муҳити зист ва ба ин васила тоза нигоҳ доштани ҳавои атмосфера табодули назар намуданд.
Таъкид гардид, ки бо назардошти тағйирёбии босуръати иқлим ва таъсири он ба соҳаҳои гуногун барои ҷорӣ намудани технологияҳои навини сарфакунандаи энергия ва таҳияи барномаҳои мутобиқшавӣ зарурат пеш омадааст.
Ҳайати Донишгоҳи техникии Тоҷикистон дар мавзуи «Таҳияи чорабиниҳои комплексӣ бо мақсади кам намудани ҳаҷми партовҳо ба муҳити атроф ва истифодаи оқилонаи захираҳои табиӣ» маъруза намуд.
Конференсияи байналмилалӣ то 27 сентябр идома меёбад.
АКС: Донишгоҳи техникии Тоҷикистон ба номи академик Муҳаммад Осимӣ
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби ин озмун гардид
Имрӯз дар Тоҷикистон ҳавои камабри бебориш дар назар аст
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
