БА ИФТИХОРИ 33-СОЛАГИИ ИСТИҚЛОЛИ ДАВЛАТӢ. Дар ноҳияи Ҷаббор Расулов якчанд иншооти соҳаи маориф ифтитоҳ гардид
ДУШАНБЕ, 07.09.2024. /АМИТ «Ховар»/. Дар доираи сафари кории Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд ва ба ифтихори 33-солагии Истиқлоли давлатӣ дар ноҳияи Ҷаббор Расулов якчанд иншооти соҳаи маориф ба истифода дода шуд.
Тавре ба АМИТ «Ховар» дар хадамоти матбуоти Раиси вилояти Суғд хабар доданд, дар ноҳия Ҷаббор Расулов бинои нави муассисаи таҳсилоти миёнаи умумии рақами 8 мавриди истифода қарор дода шуд.
Иттилоъ дода шуд, ки муассисаи мазкур аз ду ошёна иборат буда, барои 980 хонанда дар ду баст пешбинӣ гардидааст. Муассиса аз 24 ҳуҷраи корӣ, аз ҷумла 16 синфхона, 1 ҳуҷраи омӯзгорон ва китобхона бо толори хониш ва ҷойи нишаст иборат мебошад.
Ҳамзамон дар ноҳияи Ҷаббор Расулов муассисаи таълимии хусусии «Гулоро» ба истифода дода шуд.
Муассисаи таълимӣ аз ҷониби соҳибкори ватанӣ Ҳакимҷон Собиров бо харҷи 2 миллион сомонӣ барои зиёда аз 200 хонанда дар як баст бунёд шудааст.
Дар синфхонаҳои таълимии муассиса 20 омӯзгори соҳибтахассус бо истифода аз асбобу аёниятҳои дарсӣ бо хонандагон машғулият мегузаронанд.
Ба хонандагони муассисаи нави таълимии «Гулоро» туҳфаҳои хотиравӣ тақдим карда шуд.
Дар ноҳия инчунин бинои иловагии муассисаи таҳсилоти миёнаи умумии рақами 10 ифтитоҳ гардид.
Иттилоъ дода шуд, ки бинои иловагии ду ошёна дорои 12 синфхона буда, барои зиёда аз 680 хонанда дар ду баст пешбинӣ шудааст.
Бояд тазаккур дод, ки иншооти нави соҳаи маориф туҳфаи арзанда дар ҷашни 33-солагии Истиқлоли давлатии Ҷумҳурии Тоҷикистон аз ҷониби Ҳукумати мамлакат ба сокинони ноҳияи Ҷаббор Расулов мебошад.
АКС: Хадамоти матбуоти Раиси вилояти Суғд
ДЕВДАРА ГУЛДАРА ШУД! Ва ё чӣ тавр бо талоши Пешвои миллат он роҳи камраву касногузар ба шоҳроҳи ваҳдат табдил ёфт
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
Президенти Ҷумҳурии Тоҷикистон Эмомалӣ Раҳмон ба кормандони сохторҳои қудратӣ ва низомӣ мукофотҳои давлатӣ ва унвону рутбаҳои махсус супориданд
Бонки миллӣ ба ифтихори 35-солагии Истиқлоли давлатии Тоҷикистон тангаҳои хотиравиро ба муомилот баровард
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Сарвари давлат Эмомалӣ Раҳмон дар шаҳри Душанбе Маркази хизматрасонии «Аҳмадҷон»-ро мавриди истифода қарор доданд
Имсол кӯчаи Абдулаҳад Қаҳҳоров мавриди истифода қарор дода мешавад
