Дар Боку Рӯзи Истиқлоли давлатии Тоҷикистонро таҷлил намуданд
ДУШАНБЕ, 26.09.2024 /АМИТ «Ховар»/. 24 сентябр дар шаҳри Боку 33-солагии Истиқлоли давлатии Ҷумҳурии Тоҷикистонро таҷлил намуданд, хабар медиҳад АМИТ «Ховар» бо истинод ба Сафорати Тоҷикистон дар Озарбойҷон.
Дар чорабинӣ намояндагони мақомоти давлатӣ ва парлумони Ҷумҳурии Озарбойҷон, корпуси дипломатии муқими Озарбойҷон, созмонҳои ҷамъиятӣ ва аҳли илму ҳунар, адаб ва доираи соҳибкорони кишвари иқомат, инчунин ҳамватанон ва донишҷӯёни тоҷик иштирок намуданд.
Сафири Фавқулода ва Мухтори Ҷумҳурии Тоҷикистон дар Ҷумҳурии Озарбойҷон Илҳом Абдураҳмон оид ба рушди мамлакат ва дастовардҳои он дар давраи Истиқлоли давлатӣ сухан гуфта, нақши асосӣ ва муассири Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар ин раванди тақдирсози давлатдории тоҷикон таъкид намуд.
Инчунин густариши муносибатҳои байналмилалӣ ва афзоиши нуфузу эътибори Тоҷикистони соҳибистиқлол дар арсаи ҷаҳонӣ ва рушди бемайлони равобити дӯстона ва ҳамкории судманди мамлакатамон бо Ҷумҳурии Озарбойҷон таъкид гардид.
Дар ҳошияи ҷашни Истиқлоли давлатӣ намоиши китобҳои Президенти Ҷумҳурии Тоҷикистон муҳтарам Эмомалӣ Раҳмон, мусаввараҳои рассомон ва намунаҳои эҷодиёти ҳунармандии мардумӣ, либосҳои миллии тоҷик, таомҳо, меваҳои хушк ва тару тозаи ватанӣ, инчунин имконияти сайёҳии Ҷумҳурии Тоҷикистон доир карда шуд.
АКС: Сафорати Тоҷикистон дар Озарбойҷон
Сафири Тоҷикистон бо вазири авқофи Кувайт мулоқот намуд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Намояндаи доимии Тоҷикистон бо Президенти Шурои ҳуқуқи инсон мулоқот намуд
Пешвои миллат Эмомалӣ Раҳмон муассисаи таҳсилоти миёнаи умумии рақами 51-и шаҳри Кӯлобро баъд аз таъмиру навсозӣ мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб корхонаи истеҳсоли нӯшокиҳои ташнагишикани ҶДММ «Мабно»-ро ба истифода доданд
