Дар Чемпионати ҷаҳон оид ба ҷудо байни ҷавонон аз Тоҷикистон 17 варзишгар иштирок менамояд

ДУШАНБЕ, 13.09.2024. /АМИТ «Ховар»/. Аз 2 то 6 октябр дар пойтахти Тоҷикистон — шаҳри Душанбе  маротибаи  аввал Чемпионати ҷаҳон оид ба ҷудо байни ҷавонон баргузор мегардад, хабар медиҳад АМИТ «Ховар» бо истинод ба Федератсияи байналмилалии ҷудо (IJF).

Ба иттилои Федератсияи байналмилалии ҷудо,  то ҳолати 13 сентябр барои иштирок дар Чемпионати ҷаҳон оид ба ҷудо байни ҷавонон дар шаҳри Душанбе 329 варзишгвщгар (183 писар ва 146 духтар) аз 51 кишвари 5 қораи олам номнавис шудаанд.

Федератсияи ҷудои Тоҷикистон барои иштирок дар ин чемпионат 17 варзишгарро номнавис намуд. Инҳо  Лоиқ Қутбуддинов (-60 кг), Саъдӣ Маҳмадов (-60кг), Хайрулло Ғанизода (-60 кг), Самиршо Муҳаббатов (-66 кг), Умар Шеров (-66 кг), Бобоҷон Муқтадирӣ (-66 кг), Муҳиддин Асадуллоев (-73 кг), Илҳомиддин Ҷабборов (-73 кг), Аминҷон Абдуҷалилзода (-81 кг), Суннатулло Мусоев (-81 кг), Муҳаммад Юсуфзода (-81 кг), Мусохон Ғаниев (-90 кг), Мусаммир Каримзода (-90 кг), Парвиз Абдураҳмонов (-100 кг), Муҳсин Маллаев (-100 кг), Аҳмад Табаров (+100 кг) ва Фараҳманд Устопириён (+100 кг) мебошанд.

АКС аз бойгонӣ