Дар муассисаҳои олии Тоҷикистон бо иштироки коршиносони Шурои байнидавлатии муқовимат ба коррупсияи давлатҳои ИДМ дарсҳои озод доир шуданд
ДУШАНБЕ, 18.09.2024. /АМИТ «Ховар»/. Имрӯз дар шаҳри Душанбе бо ибтикори Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар муассисаҳои таҳсилоти олии Тоҷикистон, аз ҷумла Донишгоҳи миллии Тоҷикистон, Академияи идоракунии давлатии назди Президенти Ҷумҳурии Тоҷикистон, Академияи Вазорати корҳои дохилии Ҷумҳурии Тоҷикистон, Донишгоҳи славянии Русияву Тоҷикистон ва Донишгоҳи давлатии молия ва иқтисоди Тоҷикистон аз ҷониби коршиносони Шурои байнидавлатии муқовимат ба коррупсияи давлатҳои аъзои Иттиҳоди Давлатҳои Мустақил /ИДМ/ дарсҳои озод гузаронида шуданд.
Хабарнигори АМИТ «Ховар» иттилоъ медиҳад, ки дарсҳои озод дар доираи ҷаласаи IX Шурои байнидавлатии муқовимат ба коррупсияи давлатҳои аъзои Иттиҳоди Давлатҳои Мустақил, ки 19 сентябр дар шаҳри Душанбе баргузор мегардад, ташкил карда шуд.
Дар ҷараёни машғулият коршиносон аз Кумитаи иҷроияи Иттиҳоди Давлатҳои Мустақил, прокуратураҳои генералии Федератсияи Русия, Беларус, Қирғизистон ва Агентии Ҷумҳурии Қазоқистон оид ба муқовимат ба коррупсия дар назди донишҷӯёни тоҷик дар мавзуъҳои гуногуни муқовимат ба коррупсия маъруза намуданд. Ҳамчунин вобаста ба таҷрибаи давлатҳояшон дар самти муқовимат ба коррупсия маълумот пешниҳод карданд.
Дар амал татбиқ намудани сиёсати пешгирифтаи Президенти Ҷумҳурии Тоҷикистон муҳтарам Эмомалӣ Раҳмон вобаста ба Соли маърифати ҳуқуқӣ эълон гардидани соли 2024 ва дар ин замина баланд бардоштани мафкураи зиддикоррупсионии ҷомеа, пешгирӣ намудани содиршавии ҳуқуқвайронкунии коррупсионӣ, таъмини иҷрои қонунҳо ва барномаҳои давлатии зиддикоррупсионӣ аз ҳадафҳои асосии баргузории машғулияти озод мебошанд.
АКС: АМИТ «Ховар»
Дар ноҳияи Айнӣ беморхонаи минтақавӣ бунёд карда мешавад
Таҷрибаи Тоҷикистон дар ислоҳоти соҳаи тандурустӣ дар доираи СҲШ муаррифӣ карда шуд
20 АПРЕЛ — РӮЗИ КОРМАНДОНИ МАҚОМОТИ АДЛИЯ. Ин мақомот сиёсати ҳуқуқии давлатро таъмин мекунад
МАСЛИҲАТИ МУТАХАССИС. Истеъмоли қулфинай фаромӯшхотириро кам мекунад
Муовини Сарвазири Тоҷикистон Дилрабо Мансурӣ бо фаъолони ноҳияҳои минтақаи Рашт ва шаҳри Роғун вохӯрӣ намуд
ҲХДТ ва Ҳизби коммунистии Чин робитаҳоро густариш медиҳанд
Дар шаҳру ноҳияҳои вилояти Хатлон Фестивали ҷумҳуриявии «Дӯстии ҷавонон» баргузор мегардад
Доир ба татбиқи грантҳои Хазинаи пандемикӣ дар Тоҷикистон ҷаласа баргузор гардид
Бахшида ба Рӯзи пойтахт дар шаҳри Душанбе ҳамоиши сиёсӣ-фарҳангӣ баргузор шуд
Ҳайати Тоҷикистон дар Женева оид ба иҷрои уҳдадориҳои байналмилалӣ дар самти ҳифзи ҳуқуқи инсон гузориш пешниҳод намуд
Роҳҳои муассири мубориза бо чангу ғубор кадомҳоянд?
Оид ба саҳми тоҷикон дар ташаккули тамаддуни Осиёи Марказӣ конфронси ҷумҳуриявӣ доир гардид
