Донишгоҳи миллии Тоҷикистон бо Донишгоҳи Қошғари Чин ҳамкориро густариш медиҳад
ДУШАНБЕ, 25.09.2024. /АМИТ «Ховар»/. Масъалаи густариш додани ҳамкории илмию эҷодӣ байни Донишгоҳи миллии Тоҷикистон ва Донишгоҳи Қошғари Ҷумҳурии Мардумии Чин дар вохӯрии намояндагони ҳарду ҷониб баррасӣ гардид. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.
Ректори Донишгоҳи миллии Тоҷикистон Эмомалӣ Насриддинзода зимни вохӯрӣ оид ба вазъи имрӯзаи таҳқиқоти илмӣ, низоми таълим, робитаҳои донишгоҳ бо муассисаҳои таҳсилоти олии давлатҳои хориҷӣ, омӯзиши забонҳои хориҷӣ ва самти фаъолияти Донишкадаи таълимию фарҳангии Конфутсий маълумот дод.
Котиби комитети ҳизбии Чин Дин Банвэн иброз дошт, ки Донишгоҳи Қошғари Ҷумҳурии Мардумии Чин омода аст бо тамоми муассисаҳои таҳсилоти олии Ҷумҳурии Тоҷикистон, аз ҷумла Донишгоҳи миллии Тоҷикистон дар робита ба барномаҳои таълимӣ, табодули устодону донишҷӯён дар самти таҷрибаомӯзӣ ва пеш бурдани корҳои илмию таҳқиқотӣ ҳамкорӣ намояд.
Дар вохӯрӣ вобаста ба омӯзиши забонҳои тоҷикӣ ва чинӣ, табодули устодону донишҷӯён ва густариш бахшидани ҳамкории дуҷониба табодули назар карда шуд.
АКС: Донишгоҳи миллии Тоҷикистон
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
Дар Донишгоҳи давлатии Кӯлоб оид ба нақши Ваҳдати миллӣ дар ташаккули ҷомеаи шаҳрвандӣ ҳамоиш баргузор шуд
