Тоҷикистон ва Сербия масоили мубрами дуҷониба ва ҳамкории тарафайнро баррасӣ намуданд
![](https://khovar.tj/wp-content/uploads/2024/09/Sodik-imomi.jpg)
ДУШАНБЕ, 11.09.2024 /АМИТ «Ховар»/. Муовини Вазири корҳои хориҷии Ҷумҳурии Тоҷикистон Содиқ Имомӣ бо котиби давлатии Вазорати корҳои хориҷии Ҷумҳурии Сербия Никола Стоянович дар ҳошияи Конфронси байналмилалии «Муколамаи Ереван» вохӯрӣ намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот масоили мубрами дуҷониба ва ҳамкории тарафайн дар доираи созмонҳои байналмилалӣ мавриди баррасӣ қарор гирифт.
Ҷониби сербӣ аз мавқеи устувори Ҷумҳурии Тоҷикистон нисбат ба тамомияти арзии кишвараш изҳори сипос намуд.
АКС: Вазорати корҳои хориҷии Ҷумҳурии Тоҷикистон