Беш аз 100 нафар ҷавонони ғайратманди Шаҳринав хизмати Ватан-Модарро ихтиёр карданд
ДУШАНБЕ, 03.10.2024 /АМИТ «Ховар»/. 108 ҷавони далеру боғайрати ноҳияи Шаҳринав ба сафи Қувваҳои Мусаллаҳи Ҷумҳурии Тоҷикистон ҳамроҳ шуданд, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи Шаҳринав.
Дар ҳамоише, ки бахшида ба Рӯзи даъватшаванда дар ноҳия доир шуд, иброз гардид, ки даъвати ҷавонон ба сафи Артиши миллӣ дар асоси Фармони Президенти Ҷумҳурии Тоҷикистон, Сарфармондеҳи олии Қувваҳои Мусаллаҳи Ҷумҳурии Тоҷикистон, генерали Артиш муҳтарам Эмомалӣ Раҳмон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997-2006 ба хизмати ҳарбӣ» баргузор мешавад.
Ташкил ва таъсиси Қувваҳои Мусаллаҳи Ҷумҳурии Тоҷикистон тавассути сиёсати Президенти мамлакат муҳтарам Эмомалӣ Раҳмон дар давраи кӯтоҳ ва хеле душвору сангин ба вуқуъ пайваст. Имрӯз Қувваҳои Мусаллаҳи Ҷумҳурии Тоҷикистон ҳам аз лиҳози таъминоти моддию техникӣ ва ҳам аз ҷиҳати қудрату тавоноӣ, маҳорати ҳарбӣ ва интизоми ҳайати шахсӣ аз солҳои пешин афзалияти зиёду бештар дорад. Артиши миллии Ҷумҳурии Тоҷикистон такягоҳи боэътимоди давлат ва сипари иқтидорманди миллат мебошад.
Дар ҳамоиш падару модарони наваскарон сухан гуфта, ба ҷавонон дар ҳимояи марзу буми мамлакат, таъмини оромию амният ва суботи саросарии ҷумҳурӣ, инчунин садоқат ба миллату Ватан ва ҳифзи арзишҳои Истиқлоли давлатӣ комёбӣ ва шарафмандӣ таманно намуданд.
Дар ҳамоиш раиси ноҳия ба ҷавононе, ки даврҳои омӯзишии кӯтоҳмуддати ронандагиро хатм намудаанд, шаҳодатномаи ронандагӣ супорид. Инчунин ҳамчун анъанаи нек бо иштироки модарони наваскарон маросими нонгазон баргузор шуд.
Хизмат дар сафи Артиши миллӣ мактаби бузурги шуҷоъатмандӣ мебошад, аз ин рӯ ҳар ҷавон бояд дар ин мактаб сабақи мардонагию далерӣ омӯзад. Солҳои охир бо дастгирии Президенти Ҷумҳурии Тоҷикистон муҳтарам Эмомалӣ Раҳмон шароити хизмати сарбозон дар қисмҳои низомӣ ва таълиму тадриси наваскарон беҳтар гардидааст. Дар маҷмуъ, қудрату тавоноии Артиши миллӣ дар ҳифзи дастовардҳои истиқлолият ва озодию оромии мамлакат басе бузург мебошад.
АКС: Мақомоти иҷроияи ҳокимияти давлатии ноҳияи Шаҳринав
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
