ДАЪВАТИ ТИРАМОҲӢ. Ноҳияи Файзобод бо ҷавонони ватандӯсти худ ифтихор дорад
ФАЙЗОБОД, 03.10.2024 /АМИТ «Ховар»/. Дар Варзишгоҳи марказии ноҳияи Файзобод ҳамоиши Рӯзи даъватшаванда бо шукуҳу шаҳомати хосса баргузор гардида, нақшаи ҷалби даъватшавандагон ба сафи Артиши миллӣ дар ноҳия дар рӯзи якуми даъвати тирамоҳӣ пурра иҷро гардид. Дар ин хусус ба хабарнигори АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Файзобод иттилоъ доданд.
Дар ҳамоиш иброз гардид, ки “хизмат ба Ватан бояд барои ҳар ҷавон мояи ифтихору шараф бошад. Ватанро мисли модари хеш дӯст доштан ва мисли гавҳараки чашм эҳтиёт намудан қарзи ҳар фарзанди сазовори миллат аст. Хизмат дар сафи Артиши миллӣ барои ҷавонон мактаби ҳаёт ва ҷасорату мардонагӣ аст. Имрӯз барои ҷавонони соҳибиродаи тоҷик ҳифзи марзу буми Тоҷикистон шарафи бузург аст. Пешвои миллат муҳтарам Эмомалӣ Раҳмон ба неруи созанда ва бузурги ҷавонони саодатманд ва ҳимоятгарони хоки аҷдодӣ бовар дошта, амнияту субот ва пешрафту шукуфоии мамлакатро дар ҳисси баланди меҳанпарастӣ ва бозувони қавии онҳо мебинанд”.
Хурсандиовар аст, ки имсол аз ҳисоби Мақомоти иҷроияи ҳокимияти давлатии ноҳияи Файзобод ва Вазорати мудофиаи Тоҷикистон 100 ҷавони синни даъватӣ даври омӯзишии ронандагии ТҶММ «Мададгори мудофиа» – ро хатм намуда, ҳамчун мутахассис ба хизмати ҳарбӣ равон гардиданд.
Даъватшаванда аз деҳаи Сари чашмаи Ҷамоати деҳоти Ҷавонони ноҳияи Файзобод Илҳом Каримов иброз намуд, ки “мо пайравони Пешвои миллат ҳастем. Ҳифзи марзу бум ва таъмини амнияти мардуми давлати азизамонро вазифаи муқаддас медонем ва тамоми ҳастии хешро ба ҳифзи Ватан мебахшем”.
Дар анҷоми ҳамоиш модарони наваскарон маросими кулчагазон доир намуда, зимни барномаи консертии ҳунармандон бо фарзандонашон хушҳолӣ карданд.
АКС: Мақомоти иҷроияи ҳокимияти давлатии ноҳияи Файзобод
Қонуни миллӣ — омили некуаҳволии мардум ва таъмини зиндагии шоиста!
Таҳкими низоми таъмини бехатарии озуқаворӣ ва мутобиқшавӣ ба тағйирёбии иқлим дар Тоҷикистон бо БОР баррасӣ гардид
Амнияти иттилоотӣ ва амнияти киберӣ омили калидии рушди иқтисоди рақамӣ дар Тоҷикистон мебошанд
Яке аз роҳҳои пешгирии терроризму экстремизм баланд бардоштани маърифати шаҳрвандон мебошад
Ҳайати Хадамоти амнияти давлатии Ҷумҳурии Узбекистон ба Ҷумҳурии Тоҷикистон омад
Дар Суғд маросими тантанавии гусели даъватшавандагон ба хизмати ҳарбӣ доир шуд
Ҷавонони ватандӯсту шуҷои ноҳияи Деваштич ба хизмати ҳарбӣ равона гардиданд
Дар ноҳияи Мастчоҳ аввалин гурӯҳи ҷавонони синни даъватиро ба хизмат гусел намуданд
ХИЗМАТ БА ВАТАН ШАРАФ ВА ҶАСОРАТ АСТ! Ҷавонони ноҳияи Ҷаббор Расулов бо ҳисси баланди ватандӯстӣ ба хизмати ҳарбӣ рафтанд
Ҷаласаи Шурои вазирони мудофиаи кишварҳои Иттиҳоди Давлатҳои Мустақил доир гардид
Ноҳияи Исмоили Сомонии шаҳри Душанбе нақшаи даъвати баҳории ҷавононро ба сафи Қувваҳои Мусаллаҳ иҷро намуд
«МАРЗУ БУМИ ВАТАНРО СОДИҚОНА ҲИФЗ МЕНАМОЕМ!». Ҷавонони Файзобод бо дуои неки волидон ба хизмат дар сафи Қувваҳои Мусаллаҳи Тоҷикистон рафтанд
