Иштирокдорони конфронси байналмилалӣ Мамнуъгоҳи табиии давлатии «Дашти Ҷум»-ро тамошо намуданд
ДУШАНБЕ, 22.10.2024 /АМИТ«Ховар»/. Иштирокдорони конфронси 9-уми байналмилалӣ оид ба ҳайвоноти кӯҳӣ ба мавзеи мамнуъгоҳи табиии давлатии «Дашти Ҷум»-и ноҳияи Шамсиддини Шоҳин сафар намуда, бо олами бойи набототу ҳайвоноти он шинос шуданд, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Ҳадафи сафар ба ин мавзеи табиӣ шиносоӣ бо Тоҷикистони баландкӯҳ, фарҳангу оини аҳолии минтақа ва мушоҳидаи ҳайвони нодири Морхӯр буд, ки дар баландкӯҳҳои Тоҷикистон зиндагӣ мекунад. Барои меҳмонон хатсайри муфассал пешниҳод карда шуд, ки на танҳо мушоҳидаи Морхӯр, балки шиносоӣ бо фарҳанги минтақа, анъанаҳои сокинони маҳаллӣ ва манзараҳои зебои табииро дар бар гирифт. Меҳмонон дар майдони махсус тавассути дурбинҳо ва қубурҳои назоратӣ таҳти роҳбарии кормандони ботаҷрибаи Мамнуъгоҳи табиии давлатии «Дашти Ҷум» тавонистанд морхӯрҳоро дар муҳити табииашон- дар байни доманакӯҳҳои сангвор ва чарогоҳҳои сабзу хуррам бубинанд.
Аз ҷониби мутахассисони ботаҷрибаи мамнуъгоҳ ба меҳмонон оид ба Барномаи ҳифзи Морхӯр ва аҳамияти ҳифзи муҳити табиии ҳайвонот маълумот дода шуд. Меҳмонон инчунин зимни тамошои барномаи фарҳангӣ бо расму оини аҳолии ин минтақаи баландкӯҳи Тоҷикистон шинос шуданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Нақши занони тоҷик дар таҳкими давлатдории миллӣ назаррас аст
Дар остонаи ҷашни Истиқлоли давлатӣ ҳашари экологии «Тозагии соҳил» гузаронида шуд
Имрӯз дар водиҳои Тоҷикистон ҳаво то 39 дараҷа гарм мешавад
Дар Донишгоҳи миллии Тоҷикистон ҳамоиши ҷумҳуриявӣ баргузор шуд
Имрӯз аз нашри нахустин шумораи маҷаллаи «Бонувони Тоҷикистон» 19 сол сипарӣ гардид
ИСТИҚЛОЛИ ДАВЛАТӢ — ВОСИТАИ МУАССИРИ ЭЪТИРОФ. Барои ҳар шахси озодихоҳ неъмате муқаддастар аз он нест
Имрӯз дар ноҳияҳои алоҳидаи Тоҷикистон чангу ғубор ба амал меояд
Бахшида ба Истиқлоли Тоҷикистон ҳамоиши кормандони соҳаи таҳсилоти ибтидоӣ ва миёнаи касбӣ доир шуд
ТАНТАНАҲОИ ҶАШНИ ИСТИҚЛОЛИЯТ. Дар шаҳру ноҳияҳои мамлакат барномаҳои фарҳангӣ доир мегарданд
«МегаФон Life» – доимо дар алоқа, ҳатто вақте ки паёмрасонҳои муқаррарӣ дастнорасанд
Имрӯз дар шаҳри Душанбе ҳаво то 36 дараҷа гарм мешавад
