Тоҷикистон ва Русия барои афзудани шумораи гардишгарон санадҳои нави ҳамкорӣ ба имзо мерасонанд
ДУШАНБЕ, 11.10.2024. /АМИТ «Ховар»/. Масъалаҳои густариши муносибатҳои Тоҷикистон ва Русия дар соҳаи сайёҳӣ, робитаи ҳамкорӣ байни ширкатҳои сайёҳии ду давлат ва омӯзиши таҷрибаи Федератсияи Русия, аз ҷумла, вилояти Свердловск 9 октябр дар вохӯрии намояндагони ҳарду ҷониб баррасӣ шуданд. Дар ин хусус ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Зимни вохӯрӣ ҷониби Тоҷикистон вобаста ба рушди соҳаи сайёҳӣ дар мамлакат иброз дошт, ки дар партави дастгириҳои доимии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва сиёсати дарҳои кушоди Ҳукумати Ҷумҳурии Тоҷикистон ҳоло дар ҷумҳурӣ тамоми имконият барои рушди сайёҳӣ фароҳам гардидааст.
Шароити мусоиди ҳуқуқӣ, содагардонии дастрасии раводид, ба роҳ мондани низоми бе раводид, додани имтиёз ба соҳибкорони ватанию хориҷӣ, паст намудани мизони андозбандӣ дар соҳаҳои бо сайёҳӣ омехта ва тавсеаи ҳамкорӣ бо давлатҳои хориҷӣ аз ҳамин ҷумла аст.
Сайёҳоне, ки ба Тоҷикистон меоянд, дар шароити амну осуда саёҳат намуда, бо таассуроти хотирмон ба ватанашон бармегарданд.
Ҳамзамон масоили истифодаи самараноки беҳтарин таҷрибаҳои Федератсияи Русия оид ба пешбурди соҳаи сайёҳии мамлакат дар самти хизматрасонӣ, ба роҳ мондани хатсайрҳои сайёҳӣ ва мубодилаи сайёҳон байни ду давлат баррасӣ гардид.
Ҷонибҳо зарфияти сайёҳии ҳарду давлатро ба инобат гирифта, барои боз ҳам зиёд намудани шумораи гардишгарон аз ҳарду ҷониб бо ширкатҳои сайёҳӣ ва мақомоти дахлдор санадҳои нави ҳамкорӣ ба имзо мерасонанд.
АКС: Кумитаи рушди сайёҳии назди Ҳукумати Ҷумҳурии Тоҷикистон
«Стратегияи миллии гуногунии биологии Ҷумҳурии Тоҷикистон барои соли 2030» баррасӣ гардид
«DIGITAL TAJIKISTAN 2026». Моҳи ноябр дар Душанбе форуми байналмилалӣ доир мешавад
Оид ба татбиқи Конвенсияи Созмони Милали Муттаҳид бар зидди коррупсия дар Ҷумҳурии Тоҷикистон вохӯрӣ доир шуд
Дар Бохтар Форуми байналмилалии сармоягузории «Хатлон Инвест – 2026» баргузор мешавад
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
