Байни Донишгоҳи давлатии Хуҷанд ва Донишгоҳи давлатии Полоски Беларус созишномаи ҳамкорӣ ба имзо расид
ДУШАНБЕ, 28.11.2024 /АМИТ «Ховар»/. Байни Донишгоҳи давлатии Хуҷанд ба номи академик Бобоҷон Ғафуров ва Донишгоҳи давлатии Полоски ба номи Евфросинияи Полоскии Беларус созишномаи ҳамкории илмӣ – техникӣ ба имзо расид. Дар ин хусус АМИТ «Ховар» бо истинод ба Донишгоҳи давлатии Хуҷанд хабар медиҳад.
Созишнома 27 ноябр дар ҳошияи Форуми сеюми байналмилалии ректорони муассисаҳои таҳсилоти олии Ҷумҳурии Тоҷикистон ва Ҷумҳурии Беларус дар шаҳри Душанбе ба имзо расид.
Муҳтавои созишномаи ҳамкорӣ ба пешрафти техникии ҳарду ҷумҳурӣ, омодасозии мутахассисони баландихтисос, анҷом додани таҳқиқоти илмӣ ва ҷорӣ намудани дастовардҳои илмӣ-техникӣ дар истеҳсолот нигаронида шудааст.
Ректори Донишгоҳи давлатии Хуҷанд Аюб Усмонзода ва ректори Донишгоҳи давлатии Полоск Юрий Романовский зимни суҳбати самимӣ барои дар амал татбиқ намудани бандҳои созишномаи ҳамкорӣ ибрози андеша намуданд.
Донишгоҳи давлатии Хуҷанд бо чор муассисаи таҳсилоти олии Беларус созишномаи ҳамкорӣ ба имзо расонида, дар доираи онҳо корҳои назаррасро ба сомон расонидааст.
АКС: Донишгоҳи давлатии Хуҷанд ба номи академик Бобоҷон Ғафуров
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Байни Маркази барномаҳои байналмилалӣ ва Муассисаи фарҳангии АКК Созишнома оид ба омӯзиши забони ҷопонӣ ба имзо расид
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
Давраи чоруми бақайдгирии довталабон барои иштирок дар ИМД-2026 баргузор мегардад
Дар Душанбе доир ба ташаккули маърифати зиддикоррупсионӣ ҳамоиш баргузор гардид
Донишгоҳи технологии Тоҷикистон соҳиби аккредитатсияи байналмилалии институтсионалӣ гардид
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
