Дар Бонки миллии Тоҷикистон бо роҳбари Дафтари барномаҳои Созмони амният ва ҳамкорӣ дар Аврупо мулоқот доир гардид
ДУШАНБЕ, 02.11.2024 /АМИТ «Ховар»/. Дар Душанбе густариши ҳамкории амалӣ дар самти муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом (МҚД/МТ/МПСҚО) дар мулоқоти муовини Раиси Бонки миллии Тоҷикистон Сироҷиддин Икромӣ бо роҳбари Дафтари барномаҳои Созмони амният ва ҳамкорӣ дар Аврупо (САҲА) дар Душанбе Вилли Кемпел баррасӣ шуд.
Ба АМИТ «Ховар» дар Бонки миллии Тоҷикистон иттилоъ доданд, ки Сироҷиддин Икромӣ аз ҳамкории муфиди Бонки миллии Тоҷикистон бо Дафтари барномаҳои Созмони амният ва ҳамкорӣ дар Аврупо дар Душанбе изҳори қаноатмандӣ карда, саҳми ин ниҳодро дар таҳкими низоми миллии муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом назаррас арзёбӣ намуд.
Бояд гуфт, ки баҳодиҳии хавфи миллии қонунигардонии даромадҳои бо роҳи ҷиноят бадастоварда ва маблағгузории терроризм дар ҷумҳурӣ яке аз самтҳои муҳим дар доираи кумаки техникии Дафтари барномаҳои Созмони амният ва ҳамкорӣ дар Аврупо дар Душанбе мебошад.
Интизор меравад, ки ҳисоботи он дар ҷаласаи навбатии Комиссияи доимамалкунандаи байниидоравӣ оид ба муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом тасдиқ гардад.
Роҳбари Дафтари барномаҳои Созмони амният ва ҳамкорӣ дар Аврупо дар Душанбе дар баробари хавфҳои муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом масъалаҳои мубрами ҷаҳонӣ, аз қабили таъсири офатҳои табиӣ, обшавии пиряхҳо ва дигар масъалаҳоро баррасӣ намуда, ташаббусҳои Ҷумҳурии Тоҷикистонро дар ин самт саривақтӣ арзёбӣ кард.
Дар мулоқот ҷонибҳо инчунин доир ба дигар самтҳои ҳамкорӣ мубодилаи афкор намуданд. Дафтари барномаҳои Созмони амният ва ҳамкорӣ дар Аврупо дар Душанбе барои татбиқи онҳо изҳори омодагӣ намуд.
АКС: Бонки миллии Тоҷикистон
ҚУРБИ АСЪОР: дар Тоҷикистон 1 рубли русӣ аз 0.1051 то 0.1070 сомонӣ муқаррар шудааст
Масъалаи ҳамкории бонкҳои Тоҷикистон бо «Машриқ Бонк» муҳокима гардид
Дар Бонки миллӣ лоиҳаи пилотӣ оид ба барориши вомбаргҳо барои бартараф намудани оқибати офатҳои табиӣ муҳокима шуд
ҚУРБИ АСЪОР: дар Тоҷикистон 1 евро аз 11.4846 то 11.3000 сомонӣ муқаррар шудааст
Байни Бонки миллии Тоҷикистон ва Бонки марказии Амороти Муттаҳидаи Араб Ёддошти тафоҳум ба имзо расид
ҚУРБИ АСЪОР: дар Тоҷикистон 1 рубли русӣ аз 0. 1069 то 0.1080 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 10.8930 то 10.9500 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 10.8916 то 10.9500 сомонӣ муқаррар шудааст
ҚУРБИ АСЪОР: дар Тоҷикистон 1 евро аз 11.4820 то 11.3000 сомонӣ муқаррар шудааст
ИМРӮЗ-РӮЗИ БАЙНАЛМИЛАЛИИ БОНКҲО. Бонки миллии Тоҷикистон дар таъмини рушди иқтисодиёти миллӣ нақши назаррас дорад
