Дар Душанбе Форуми Осиёи Марказӣ «Tech Jam 2024» баргузор шуд
ДУШАНБЕ, 23.11.2024. /АМИТ «Ховар»/. 23 ноябр дар шаҳри Душанбе Агентии Иёлоти Муттаҳидаи Амрико оид ба рушди байналмилалӣ (USAID) дар ҳамкорӣ бо ташкилоти ҷамъиятии «Илмхона» ва дигар шарикон Форуми минтақавии «Tech Jam 2024»-ро баргузор намуд. Дар ин хусус АМИТ «Ховар» бо истинод ба Сафорати Иёлоти Муттаҳидаи Амрико дар Ҷумҳурии Тоҷикистон хабар медиҳад.
Дар форум беш аз 600 нафар мутахассисони ҷавон ва коршиносон аз Осиёи Марказӣ иштирок намуданд.
«Tech Jam» як платформаи муҳим барои мутахассисони ҷавон, коршиносони технологияҳои иттилоотӣ (ТИ) ва пешсафони соҳа табдил ёфта, барои муошират ва мубодилаи афкор мусоидат мекунад», — таъкид гардид дар форум.
Директори намояндагии USAID/Тоҷикистон Ҷон Риордан иброз намуд, ки «ҳамаи мо нақши муҳими рушди технологияҳои иттилоотиро дар давлатҳо, махсусан барои Тоҷикистон, мамлакате, ки бештари аҳолиашро ҷавонон ташкил медиҳад, хуб дарк мекунем. Тоҷикистон метавонад аз рушди бахши технологияҳои иттилоотӣ манфиати зиёде ба даст орад».
Дар форум мубоҳисаҳои муҳим дар бораи раванди рақамикунонӣ, рушди малакаҳо, таълим дар соҳаи технологияи иттилоотӣ ва қабули қарорҳои ба маълумот асосёфта, анҷом дода шуд.
Форуми минтақавии «Tech Jam 2024» бо ҳадафҳои Агентии Иёлоти Муттаҳидаи Амрико оид ба рушди байналмилалӣ (USAID) оид ба мусоидат ба рушди фарогир, дастгирии рушди захираҳои меҳнатӣ ва мусоидат ба бахши технологияҳои инноватсионӣ дар Осиёи Марказӣ мувофиқат мекунад.
«Дар ҳоле, ки дар Тоҷикистон иқтисоди рақамӣ рушд меёбад, Агентии Иёлоти Муттаҳидаи Амрико оид ба рушди байналмилалӣ (USAID таваҷҷуҳи худро ба тавонмандсозии насли ояндаи мутахассисони технологияҳои иттилоотӣ идома медиҳад»,-таъкид гардид дар чорабинӣ.
АКС аз манбаъҳои боз
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
«МегаФон Life»: сармоягузориро мустақиман тариқи смартфон анҷом диҳед
Дар Донишгоҳи байналмилалии сайёҳӣ ва соҳибкорӣ масъалаи баланд бардоштани сифати корҳои илмӣ-тадқиқотӣ баррасӣ гардид
Имрӯз дар баъзе минтақаҳои Тоҷикистон борони кӯтоҳмуддат меборад
Донишҷӯи тоҷик дар чорабинии байналмилалии UNESCO × Nestlé Global Youth Grant Scheme иштирок менамояд
Имрӯз дар баъзе ноҳияҳои Тоҷикистон борони кӯтоҳмуддат меборад
