ТАҚВИМИ АМИТ «ХОВАР»: имрӯз 5 ноябр, сешанбе, 310-умин рӯзи соли 2024 аст

5 ноябри соли 1964 дар шаҳри Душанбе муҷассамаи асосгузори адабиёти классикии тоҷик Абӯабдуллоҳи Рӯдакӣ гузошта шуд.

***

5 ноябри соли 2008 бо иштироки Президенти Ҷумҳурии Тоҷикистон муҳтарам Эмомалӣ Раҳмон маросими ботантанаи ба истифода додани НБО –и «Сангтӯда -1» баргузор гардид.

***

16 сол қабл, 5 ноябри соли 2008 дар Ҷумҳурии Тоҷикистон пахши шабакаи нави телевизионии «Ҷаҳоннамо» ва шабакаи радиои «Фарҳанг» оғоз гардид.

***

Дар ин рӯзи соли 2010 дар «Кохи Борбад»-и пойтахт бо иштироки Президенти Ҷумҳурии Тоҷикистон Эмомалӣ Раҳмон қисмати ниҳоии Фестивали ҷумҳуриявии «Чакомаи гесӯ» доир шуд.

***

5 ноябри соли 2010 дар шаҳри Гулистон (Қайроққум) — и вилояти Суғд  Маркази фарҳангии «Кохи Истиқлол» ифтитоҳ гардид.

***

5 ноябри соли 2016 дар шаҳри Ҳисор «Комбинати металлургии тоҷик» ба истифода дода шуд.

***

5 ноябри соли 2016 дар шаҳри Душанбе форуми «G5 Startup Forum» баргузор гардид.

***

Дар ин рӯзи соли 2018 дар ноҳияи Данғараи вилояти Хатлон бинои нави Коллеҷи тиббӣ  мавриди истифода қарор дода шуд.

***

5 ноябри соли 2019 сафари расмии  Президенти Ҷумҳурии Тоҷикистон муҳтарам Эмомалӣ Раҳмон дар Конфедератсияи Швейтсария оғоз гардид.

***

5 ноябри соли 2021 Президенти мамлакат Эмомалӣ Раҳмон дар Мақомоти иҷроияи ҳокимияти давлатии Вилояти Мухтори Кӯҳистони Бадахшон ва Вазорати корҳои дохилӣ тағйироти кадрӣ ба амал оварданд.

***

Дар ин рӯзи соли 2022 донишҷӯёни Донишгоҳи давлатии тиббии Тоҷикистон ба номи Абуалӣ ибни Сино дар Олимпиадаи дуюми байналмилалии «Мастер педиатрии», ки дар шаҳри Краснодари Федератсияи Русия баргузор гардид, ғолиб омада, соҳиби Ҷоми олимпиада ва диплом гардиданд.

 ***

5 ноябри соли 2023 дар ноҳияи Муъминобод коргоҳи истеҳсоли маҳсулоти ширӣ ба фаъолият оғоз намуд

ДАР ИН РӮЗ ТАВАЛЛУД ШУДААНД:

Аҳрор Мухторов –соли 1924- олим, академики Академияи илмҳои Тоҷикистон (1991), доктори илми таърих (1971), профессор (1982), дорандаи Ҷоизаи давлатии ба номи Абӯалӣ ибни Сино (2007).