Вобаста ба масъалаҳои муосири саноати мошинсозӣ конференсияи байналмилалӣ доир шуд
ДУШАНБЕ, 01.11.2024 /АМИТ «Ховар»/. 31 октябр дар Донишгоҳи техникии Тоҷикистон ба номи академик Муҳаммад Осимӣ дар мавзуи «Масъалаҳои муосири саноати мошинсозӣ» конференсияи байналмилалии илмӣ-амалӣ, инчунин намоиши дастовардҳои илмии устодон ва донишҷӯёни технологияи мошинсозӣ, дастгоҳҳо ва асбоби металлбурии донишгоҳ баргузор шуд.
Тавре ба АМИТ «Ховар» дар Донишгоҳи техникии Тоҷикистон хабар доданд, конференсия ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) ва Барномаи рушди саноатикунонии босуръати ҷумҳурӣ ҳамчун ҳадафи чоруми стратегӣ бахшида шуд.
Иброз гардид, ки мақсади конференсия мубодилаи афкори илмӣ, муайян намудани дурнамои рушди илмҳои дақиқ ва техникаю технологияи муосир, рушди ҳамкории илмию байналмиллалӣ дар самти баланд бардоштани сифати таҳсил ва робитаи илм бо истеҳсолот мебошад.
Барои таъмини рушди соҳаи саноати мошинсозӣ ва расидан ба ҳадафи чоруми стратегӣ омода намудани кадрҳои баландихтисоси соҳаи техникӣ муҳим мебошад.
Кафедраи технологияи мошинсозӣ, дастгоҳҳо ва асбоби металлбурии ин донишгоҳ солҳои зиёд аст, ки барои омода намудани мутахассисони баландпоя саҳми арзанда мегузорад. Ҳайати омӯзгорон ва профессорони кафедра дар ин муддат комёбиҳои зиёд ба даст овардаанд.
Дар конференсия аз ҷониби олимони дохил ва хориҷи ҷумҳурӣ зиёда аз 60 мақолаи илмӣ аз рӯйи бахшҳои таҳқиқоти химиявӣ, технологияи химиявӣ ва металлургия, мошинсозӣ ва технологияи мавод, сохтмон ва меъморӣ, энергетика ва технологияҳои иттиллоотӣ, экология, иқтисодиёт ва фанҳои бунёдӣ (математика, физика) пешниҳод ва баррасӣ шуданд.
АКС: Донишгоҳи техникии Тоҷикистон ба номи академик Муҳаммад Осимӣ
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
1 ноябр хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
Дар Академияи идоракунии давлатӣ барномаҳои стипендиявии Лаҳистон муаррифӣ гардиданд
Дар Донишгоҳи технологии Тоҷикистон татбиқи лоиҳаҳоии CirculEC ва OFINU баррасӣ шуд
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Байни Донишгоҳи давлатии омӯзгории Тоҷикистон ва Донишгоҳи миллии илмҳои компютерӣ ва рушдёбандаи Покистон созишномаи ҳамкорӣ ба имзо расид
Академияи идоракунии давлатии Тоҷикистон бо ширкати «Really English»-и Британия ҳамкорӣ менамояд
Вазири маориф ва илми Тоҷикистон дар Конгресси якуми ҷаҳонӣ оид ба таҳсилоти фарогир дар Алмато иштирок намуд
Тоҷикистону Қирғизистон дар самти такмили ихтисоси кормандони соҳаи маориф Ёддошти тафоҳум ба имзо расониданд
