Олими ҷавони тоҷик соҳиби патентҳои Ҷумҳурии Беларус гардид

Ноябрь 3, 2026 13:45

ДУШАНБЕ, 03.11.2026 /АМИТ «Ховар»/. Муҳаққиқи ҷавони тоҷик Меҳваршоҳ Оев, ки дар Донишкадаи байналмилалии давлатии экологии ба номи А.Д.Сахарови Донишгоҳи давлатии Беларус дар шаҳри Минск таҳсил намудааст, бо ду ихтироъ соҳиби патентҳои Ҷумҳурии Беларус гардид.

Тавре мухбири АМИТ «Ховар» иттилоъ медиҳад, Меҳваршоҳ Оев дар Донишкадаи байналмилалии давлатии экологии ба номи А.Д. Сахарови Донишгоҳи давлатии Беларус дар шаҳри Минск таҳсилро дар аспирантура аз рӯйи ихтисоси «Радиобиология» муваффақона ба анҷом расонида, соҳиби дипломҳои муҳаққиқ гардид.

Меҳваршоҳ Оев дар донишгоҳи мазкур ба ҳайси ходими хурди илмӣ фаъолият намуда, ба корҳои илмию таҳқиқотӣ машғул аст. Аз ҷониби Меҳваршоҳ ихтироъҳои «Тарзи тайёр намудани кисели дорои йоди устувор» ва «Тарзи ҳавасмандгардонии синтези хлорофилл дар навниҳолҳои гандум бо вояҳои ками шуоъдиҳии якҷояи лазерӣ» таҳия гардида, ба онҳо патентҳои Ҷумҳурии Беларус дода шуданд. Солҳои 2025 ва 2026 таҳқиқоти ӯ дар доираи грантҳои Вазорати маорифи Ҷумҳурии Беларус дастгирӣ ёфт.

Бояд иброз намуд, ки дастгирии ҷавонон, фароҳам овардани имконият барои донишандӯзӣ ва омода намудани кадрҳои баландихтисос аз самтҳои афзалиятноки сиёсати давлатии Ҷумҳурии Тоҷикистон ба шумор мераванд. Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати мамлакат ба фароҳам овардани шароит барои таҳсили босифати ҷавонон, азхудкунии технологияҳои муосир ва машғул шудани онҳо ба фаъолияти илмӣ таваҷҷуҳи хос зоҳир менамоянд.

АКС: АМИТ «Ховар»

 

Ноябрь 3, 2026 13:45

Хабарҳои дигари ин бахш

ҲАМНАФАСИ МАРДУМ, ҲАМҚАДАМИ ТАЪРИХ. Андешае дар ҳошияи Рӯзи Президенти Ҷумҳурии Тоҷикистон
ПЕШВОИ МИЛЛАТ ВА ТАҲКИМИ ПОЯҲОИ РУШДИ ИҚТИСОДИИ ТОҶИКИСТОН. Дар ҳошияи таҷлили Рӯзи Президент
Бахшида ба Рӯзи Президент дар Донишгоҳи байналмилалии сайёҳӣ ва соҳибкорӣ ҳамоиш доир шуд
Барномаи «Низоми арзёбии донистани забони тоҷикӣ барои шаҳрвандони хориҷӣ» муаррифӣ гардид
Ҳаками озмуни «Фурӯғи субҳи доноӣ китоб аст» Шодӣ Раҷабзод: «Сатҳи омодагӣ, донишу маърифат ва ҷаҳонбинии довталабон сол то сол беҳтар мегардад»
«ИЛМ — ФУРӮҒИ МАЪРИФАТ». 59 иштирокчии даври ниҳоии озмун қадрдонӣ карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
ШИНОХТИ ШАХСИЯТҲОИ АДАБӢ ВА ТАЪРИХӢ ДАР ЗАМИНАИ ИСТИҚЛОЛ. Бо чунин унвон конференсияи ҷумҳуриявӣ доир гардид
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
«ФУРӮҒИ СУБҲИ ДОНОӢ КИТОБ АСТ». Бо иштироки 562 довталаб даври ниҳоии озмун ифтитоҳ ёфт
Имрӯз даври ниҳоии Озмуни ҷумҳуриявии «Фурӯғи субҳи доноӣ китоб аст» оғоз мегардад
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид