Дар ташкилоти ибтидоии «Заминсоз» ҳамоиши тантанавӣ баргузор шуд

Декабрь 11, 2024 19:00

ДУШАНБЕ, 11.12.2024 /АМИТ «Ховар»/. Дар ташкилоти ибтидоии «Заминсоз»-и Кумитаи давлатии идораи замин ва геодезии Ҷумҳурии Тоҷикистон бахшида ба 30-солагии таъсиси Ҳизби Халқии Демократии Тоҷикистон ҳамоиши тантанавӣ баргузор шуд, хабар медиҳад АМИТ «Ховар».

Дар ҳамоиш иброз гардид, ки 30-солагии таъсиси Ҳизби Халқии Демократии Тоҷикистон, ки дар рушду нумӯи Тоҷикистони соҳибистиқлол саҳми назаррас дорад, воқеаи таърихию фараҳбахш мебошад.

Ҳизби Халқии Демократии Тоҷикистон яке аз ҳизбҳои пурнуфузи ҷумҳурӣ буда, дар тамоми самтҳои фаъолияти иқтисодию иҷтимоии мамлакат нақши муассир мегузорад.

Зеро маҳз Ҳизби Халқии Демократии Тоҷикистон тавонист дар ҳама вазъият дар назди мардум бошад ва исбот намояд, ки ҳамеша дастгиру мададгори мардум мебошад. Ин аст, ки рӯз аз рӯз аъзою ҷонибдорони ин ҳизби мардумӣ зиёд гашта, ба туфайли қувваи бузурги онҳо мақом ва манзалати Ҳизби Халқии Демократии Тоҷикистон дар ҷомеа баландтар мешавад.

Ҳизби Халқии Демократии Тоҷикистон бо идеологияи таъсирбахши ҳизбӣ тавонист на танҳо дар Тоҷикистон, балки берун аз он ҳам нуфузашро бештар намояд.  Дар ин замина гуфтан ба маврид аст, ки Президенти мамлакат, Раиси Ҳизби Халқии Демократии Тоҷикистон муҳтарам Эмомалӣ Раҳмон аз рӯзҳои нахустин барои боло бурдани нуфузу обрӯи ҳизб ва ба ҳизби мардумӣ табдил додани он кӯшишҳои зиёд намуда, Ҳизби Халқии Демократии Тоҷикистонро ба ҳизби мардумии ҷумҳурӣ мубаддал намуданд.

Воқеан, давоми фаъолияти 30-сола ҳизб марҳила ба марҳила дар дилу дидаи мардум ҷо гирифта, дар дурдастарин минтақаҳои ҷумҳурӣ на танҳо аъзою ҷонибдоронашро пайдо намуд, балки тавонист биноҳои маъмурии хуштарҳу муосир бунёд намуда, барои кормандонаш шароити мусоиди корӣ фароҳам созад. Инрӯз раванди корҳои созандагию бунёдкорӣ идома дорад.

Дар ҷамъомад як гурӯҳ кормандони фаъоли Кумитаи давлатии идораи замин ва геодезӣ ба сафи Ҳизби Халқии Демократии Тоҷикистон қабул гардиданд.

АКС: Кумитаи давлатии идораи замин ва геодезии Ҷумҳурии Тоҷикистон

Декабрь 11, 2024 19:00

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад