Дар Тоҷикистон созишномаи Низоми муосири идоракунии дороиҳои роҳ ба имзо расид
ДУШАНБЕ, 13.12.2024. /АМИТ «Ховар»/. Дар шаҳри Душанбе байни Вазорати нақлиёти Ҷумҳурии Тоҷикистон ва Бонки Аврупоии таҷдид ва рушд (БАТР) оид ба пешбурд ва ҷорӣ намудани Низоми муосири идоракунии дороиҳои роҳ (НИДР) дар Тоҷикистон созишномаи грантӣ ба имзо расид. Дар ин хусус АМИТ «Ховар» бо истинод ба Вазорати нақлиёт хабар медиҳад.
Созишномаро Вазири нақлиёти Ҷумҳурии Тоҷикистон Азим Иброҳим ва Намояндаи доимии Бонки Аврупоии таҷдид ва рушд дар Тоҷикистон Холгер Вифел имзо карданд.
Вазири нақлиёти Тоҷикистон дастгирии доимии шарикони байналмилалии рушд – Бонки Осиёии рушд, Бонки ҷаҳонӣ, Агентии ҳамкории байналмилалии Ҷопон (JICA) ва Бонки Аврупоии таҷдид ва рушдро дар пешбурд ва ҷорӣ намудани Низоми идоракунии дороиҳои роҳ (НИДР) дар Тоҷикистон махсус таъкид намуд.
«Ин ташаббус қадами муҳим дар самти таъмини нигоҳдории дарозмуддат, амният ва самаранокии шабакаи миллии роҳҳои мо мебошад», — иброз дошт ӯ.
Ин грант имкон медиҳад, ки хизматрасонии ҳирфавии машваратӣ ба беҳбуд бахшидани фаъолияти институтсионалӣ ва меъёрӣ дар идоракунии дороиҳои роҳ ҷалб шавад.
Лоиҳа ба ҳадафи умумӣ, яъне таҳкими қобилияти Тоҷикистон барои самаранок идора кардани дороиҳои роҳҳои мамлакат бо истифода аз системаҳое, ки ба қабули қарорҳои огоҳона дар соҳаи сохтмон ва нигоҳдории роҳҳо мусоидат мекунанд, мувофиқат мекунад.
Таъкид шуд, ки Низоми муосири идоракунии дороиҳои роҳ на танҳо воситаи техникӣ, балки раванди трансформатсионӣ мебошад, ки шаффофият, самаранокӣ ва дурнамои стратегиро дар идоракунии роҳҳо таъмин мекунад. Барои Тоҷикистон, ки инфрасохтори роҳ барои наздик намудани одамон ва минтақаҳо, инчунин рушди тиҷорат бо давлатҳои ҳамсоя нақши муҳим мебозад, татбиқи Низоми муосири идоракунии дороиҳои роҳ аҳамияти бузург дорад. Он ба беҳдошти истифодаи захираҳо, боло бурдани сатҳи бехатарӣ ва эътимоднокии системаи нақлиёт ва рушди иқтисодиёт мусоидат мекунад.
АКС: Вазорати нақлиёти Ҷумҳурии Тоҷикистон
Ҳаҷми тиҷорат байни Тоҷикистон ва Эрон дар ду соли охир 50 дарсад афзоиш ёфт
Президенти Тоҷикистон: «Иқтидори бузурги энергияи «сабз»-и Тоҷикистон дар оянда метавонад ба нафъи дигар кишварҳои минтақа, аз ҷумла Эрон низ истифода шавад»
Байни мақомоти гумруки Тоҷикистон ва Эрон Ёддошти тафоҳуми омӯзишӣ ба имзо расид
Тоҷикистон ва Эрон дар самти муқовимат ба коррупсия ёддошти тафоҳум ба имзо расониданд
Дар хатсайри Душанбе-Кӯлоб парвози аввалини ҳавопаймо анҷом дода шуд
Дар Душанбе паҳлуҳои калидии ҳамкории иқтисодию тиҷоратии Тоҷикистон ва Эрон баррасӣ гардид
Байни ширкатҳои сайёҳии Тоҷикистон ва Эрон 6 санади ҳамкорӣ ба имзо расид
Дар Душанбе Ҳамоиши тиҷоратӣ, сармоягузорӣ ва гардишгарии Тоҷикистон ва Эрон баргузор мегардад
Ҳикматулло Назиров: «Ҳосили фаровони дарахтон аз яхобмонӣ вобаста аст»
Тоҷикистон ва Арабистони Саудӣ хатсайрҳои ҳавоиро афзоиш медиҳанд
Муколамаи намояндагони бахши хусусии Тоҷикистон ва Эрон баргузор гардид
Барои татбиқи лоиҳаи «Асосҳои рақамикунонии Тоҷикистон» созишномаҳои молиявӣ ба имзо расиданд
