Мулоқоти Қоҳир Расулзода бо Директори генералии Фонди кувайтии рушди иқтисодиёти араб Валид Ал-Баҳар

ДУШАНБЕ, 19.12.2024 /АМИТ «Ховар»/. Сарвазири Ҷумҳурии Тоҷикистон Қоҳир Расулзода бо Директори генералии Фонди кувайтии рушди иқтисодиёти араб Валид Ал-Баҳар мулоқот намуд.

Дар мулоқот вобаста ба тақвияти ҳамкорӣ байни Тоҷикистон ва Фонди кувайтии рушди иқтисодиёти араб, ки дар доираи эҳтироми тарафайн амалӣ мегарданд, ибрози назар карда шуд. Ба имзо расонидани созишнома ба маблағи 100 млн. доллари амрикоӣ барои сохтмони Неругоҳи барқии обии Роғун самтҳои муҳими ҳамкории судманди Тоҷикистон бо Фонди кувайтии рушди иқтисодиёти араб мебошад.

Иштироки бештари сармояи кувайти дар тадбиқи лоиҳаҳои бузурги энергетикӣ дар самти энергияи «сабз», бахусус гидроэнергетика ва сохтмони хатҳои интиқоли барқ муҳим арзёбӣ гардид.

Дар мулоқот ҳамчунин оид ба афзоиши маблағгузории Фонд барои татбиқи лоиҳаҳои афзалиятнок, бахусус дар соҳаҳои нақлиёт, маориф, тандурустӣ ва дигар бахшҳои иқтисодиву иҷтимоии Тоҷикистон табодули афкор карда шуд.