35-СОЛАГИИ ИСТИҚЛОЛИ ДАВЛАТӢ. Дар вилояти Хатлон сохтмони 6260 иншоот пешбинӣ гардидааст
ДУШАНБЕ, 14.01.2025. /АМИТ «Ховар»/. Бахшида ба ҷашни 35-солагии Истиқлоли давлатӣ дар шаҳру ноҳияҳои вилояти Хатлон сохтмони 6260 иншоот пешбинӣ гардидааст. Соли 2024 дар вилоят зиёда аз 1240 иншооти таъйиноти гуногун бо таъсиси садҳо ҷойи кор мавриди истифода қарор гирифт, хабар медиҳад АМИТ «Ховар» бо истинод ба хадамоти матбуоти Раиси вилояти Хатлон.
Тибқи иттилои манбаъ, 13 январ дар шаҳри Бохтар ҷаласаи ҷамъбасти натиҷаҳои рушди иқтисодию иҷтимоиии вилояти Хатлон дар соли 2024 бо иштироки муовини Сарвазири Тоҷикистон Сулаймон Зиёзода баргузор шуд.
Сулаймон Зиёзода иброз намуд, ки тамоми кӯшишу талоши масъулин бояд барои рушди соҳаҳои иқтисодӣ, баланд бардоштани сатҳи некӯаҳволӣ, зиндагии осоиштаю босаодати сокинони вилоят, инчунин вусъат бахшидани корҳои ободонию созандагӣ ва ҳифзи дастовардҳои Истиқлоли давлатӣ равона карда шавад.
Дар вилояти Хатлон соҳаи кишоварзӣ яке аз самтҳои афзалиятнок ва калидии рушди иқтисодию иҷтимоӣ ба ҳисоб рафта, дар таъмини амнияти озуқавории мамлакат ва корхонаҳои саноатӣ бо ашёи хоми маҳаллӣ аҳамияти муҳим дорад. Зеро рушди устувори соҳаи кишоварзӣ, аз ҷумла тақвияти истифодаи самараноку оқилонаи заминҳо, технологияҳои муосири кишту парвариши зироат, истифодаи тухмиҳои хушсифату баландҳосили репродуксионӣ ва баланд бардоштани боздеҳи замин ба афзун намудани ҳаҷми истеҳсоли маҳсулоти рақобатпазири ватанӣ ва дар маҷмуъ, таъмини фаровонии бозорҳои истеъмолӣ такони ҷиддӣ бахшида, афзоиш ва суръати рушди нишондиҳандаҳои истеҳсолиро таъмин менамояд.
АКС: Хадамоти матбуоти Раиси вилояти Хатлон
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
ИСТИҚЛОЛИЯТ ВА ФАРДОИ РАҚАМИИ ТОҶИКИСТОН. Мулоҳизаҳо дар ин маврид
Озмуни ҷумҳуриявии «Топ-35 — шарики боэътимоди сол» ҷамъбаст гардид
Дар Душанбе Рӯзи фарҳанги ноҳияи Рӯшон баргузор гардид
БАРНОМАИ РУШДИ РОҲҲОИ ОБОДИ ДЕҲОТ. Дар доираи он ба маблағи 123,4 миллион сомонӣ роҳҳои мошингард таъмиру барқарор карда шуданд
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИ ДАВЛАТӢ ВА НАҚШИ ОН ДАР РУШДИ ЗАБОНИ ТОҶИКӢ. Мулоҳизаҳо дар ин маврид
Дар Душанбе 49 номгӯй адабиёти тозанашри кӯдакона рӯнамоӣ гардид
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ДАРКИ АМИҚИ МОҲИЯТИ ИСТИҚЛОЛИ СИЁСӢ. Он шарти муҳими таҳкими давлатдории миллӣ ва ҳифзи манфиатҳои давлату миллат аст
Дар Муъминобод бахшида ба ҷашни 35-солагии Истиқлоли давлатӣ ҳамоиш доир шуд
