БАРДОШТ АЗ ПАЁМ. Дар деҳаи дурдасти Кӯҳони шаҳри Ҳисор бинои мактаби нав сохта мешавад
ДУШАНБЕ, 14.01.2025 /АМИТ «Ховар»/. Бахшида ба ҷашни 35-солагии Истиқлоли давлатии Ҷумҳурии Тоҷикистон дар деҳаи Кӯҳони Ҷамоати деҳоти Навободи шаҳри Ҳисор таҳкурсии бинои нави Муассисаи таҳсилоти миёнаи умумии №78 гузошта шуд.
Ба АМИТ «Ховар» дар Мақомоти иҷроияи ҳокимияти давлатии шаҳри Ҳисор иттилоъ доданд, ки дар маросими гузоштани санги асоси бинои мактаби нав иҷрокунандаи вазифаи Раиси шаҳри Ҳисор Ҷаббор Носирзода иброз дошт, ки сохтмони иншоот тез ба анҷом расида, устодону шогирдони муассиса соли нави таҳсили 2025-2026-ро дар бинои нав оғоз мекунанд.
Зимни шиносоӣ бо лоиҳаи бино гуфта шуд, ки бинои мактаби нав дуошёна буда, бо 9 синфхонаю ҳуҷраҳои корӣ барои 360 хонанда дар ду баст сохта мешавад. Сохтмончиён иқдом гирифтаанд, ки дар шафати мактаб бунгоҳи тиббии замонавӣ сохта, дар як вақт мавриди истифода қарор диҳанд. Ба масъулин дастур дода шуд, ки ба сифати масолеҳи сохтмон ва намои зоҳирию дохилии ҳарду иншоот диққат диҳанд, то сокинони деҳа солҳои зиёд аз он истифода баранд.
Ҳамзамон роҳбарияти шаҳри Ҳисор ба Муассисаи таҳсилоти миёнаи умумии №39, воқеъ дар деҳаи Шоҳони Ҷамоати деҳоти Хонақоҳи Кӯҳӣ рафта, бо бинои иловагие, ки дар назди ин муассиса сохтмонаш нотамом мондааст, шинос шуданд. Масъулини ҷамоат, шуъбаи маориф ва роҳбарияти муассиса вазифадор шуданд, ки сохтмонро идома дода, биноро дар муҳлати муайяншуда ба истифода супоранд.
Дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон таъкид гардид, ки «бо вуҷуди корҳои то имрӯз дар соҳаи маориф амалигардида ба Ҳукумати мамлакат, Вазорати маориф ва илм ва роҳбарони мақомоти иҷроияи маҳаллии ҳокимияти давлатӣ супориш дода мешавад, ки бо назардошти афзоиши аҳолӣ ва зиёд гардидани шумораи кӯдакону наврасон тадбирҳои мушаххас андешанд.
Яъне, дар панҷ соли оянда бо истифода аз ҳама сарчашмаҳои маблағгузорӣ ва бо назардошти ҳадафи гузошташуда барои фарогирии 50 фоизи кӯдакони синну соли томактабӣ бунёди 800 муассисаи таҳсилоти томактабӣ ва беш аз 1000 муассисаи таҳсилоти умумиро таъмин намоянд».
АКС: Мақомоти иҷроияи ҳокимияти давлатии шаҳри Ҳисор
Пешвои миллат Эмомалӣ Раҳмон бо роҳбарону фаъолони вилояти Хатлон мулоқот намуданд
Пешвои миллат Эмомалӣ Раҳмон дар ноҳияи Данғара барои бунёди калонтарин Маркази савдо ва хизматрасонӣ санги асос гузоштанд
Президенти Ҷумҳурии Тоҷикистон Эмомалӣ Раҳмон ба бунёди бинои Мақомоти иҷроияи ҳокимияти давлатии ноҳияи Данғара санги асос гузоштанд
Сарвари давлат Эмомалӣ Раҳмон дар ноҳияи Данғара ба фаъолияти марҳилаи дуюми корхонаи муштараки «Муосир» оғози расмӣ бахшиданд
Пешвои миллат Эмомалӣ Раҳмон дар ноҳияи Данғара ба бунёди марҳилаи дуюми Маҷмааи парандапарварии «Мармарӣ» санги асос гузоштанд
Президенти Ҷумҳурии Тоҷикистон Эмомалӣ Раҳмон дар шаҳри Норак Маҷмааи гармхонаҳои ҶДММ «Гулнур»-ро ифтитоҳ намуданд
Сарвари давлат Эмомалӣ Раҳмон дар шаҳри Норак ба фаъолияти хатҳои истеҳсоли панҷараҳои оҳанин оғоз бахшиданд
Пешвои миллат Эмомалӣ Раҳмон дар шаҳри Норак корхонаи саноатии истеҳсоли обҳои нӯшокии «Глобал Инвест»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Норак 8 иншооти таъйиноти гуногунро ба таври фосилавӣ ба истифода доданд
Сарвари давлат Эмомалӣ Раҳмон агрегати №7-и Неругоҳи барқи обии «Норак»-ро баъд аз таъмиру навсозӣ ба истифода доданд
Ҳаҷми истеҳсоли маҳсулоти саноатӣ дар соҳаи коркард беш аз 20 фоиз зиёд шудааст
35-СОЛАГИИ ИСТИҚЛОЛИ ДАВЛАТӢ. Дар деҳаҳои Обигарм, Себистон ва Лолагии шаҳри Ҳисор кӯдакистону муассисаҳои таълимӣ бунёд мегарданд
