Барои аъзои комиссияи ҳавзавии интихоботии №1 дар ноҳияи Фирдавсӣ машварати омӯзишӣ баргузор гардид
ДУШАНБЕ, 23.01.2025. /АМИТ «Ховар»/. Дар доираи омодагӣ ба баргузории маъракаи муҳимтарини сиёсӣ — интихоботи вакилон ба маҷлисҳои маҳаллӣ ва вакилони Маҷлиси намояндагони Маҷлиси Олии Ҷумҳурии Тоҷикистон дар ноҳияи Фирдавсии шаҳри Душанбе машварати омӯзишӣ барои аъзои комиссияи ҳавзавии интихоботии №1 баргузор гардид. Дар ин хусус АМИТ «Ховар» бо истинод ба шуъбаи иттилоотии дастгоҳи Раиси шаҳри Душанбе хабар медиҳад.
Бояд гуфт, ки ҳадафи машварат баланд бардоштани савияи донишу малакаи аъзои комиссия, таъмини шаффофият ва қонунмандӣ дар ҷараёни интихобот мебошад.
Дар машварат масъалаҳои марбут ба риояи талаботи санадҳои меъёрӣ-ҳуқуқии марбут ба интихобот, вазифаҳои асосии аъзои комиссия, раванди сабти номзадҳо ва интихобкунандагон, инчунин ташкил ва гузаронидани раъйдиҳӣ баррасӣ гардиданд. Мутахассисони соҳа ба аъзои комиссия тартиби дурусти корбарӣ ва талаботи меъёрии қонунгузориро шарҳ доданд.
Намояндаи Комиссияи марказии интихобот ва раъйпурсии Ҷумҳурии Тоҷикистон, раисони комиссияҳои ҳавзавии интихобот оид ба интихоботи вакилони Маҷлиси вакилони халқи ноҳияи Фирдавсӣ, шаҳри Душанбе ва Маҷлиси намояндагони Маҷлиси Олии Ҷумҳурии Тоҷикистон дар ноҳияи Фирдавсӣ иброз намуданд, ки баргузории интихобот бо риояи меъёрҳои демократӣ аз масъулияти баланди аъзои комиссия вобаста аст.
Дар машварат инчунин аҳамияти ҳамкорӣ бо ҷомеа ва таъмини шаффофияти ҳар ҷузъи раванди интихобот таъкид шуд.
АКС: Шуъбаи иттилоотии дастгоҳи Раиси шаҳри Душанбе
Номзадҳо ба вакилии Маҷлиси вакилони халқи ноҳияи Мир Саид Алии Ҳамадонӣ муаррифӣ шуданд
Дар 39 ҳавзаи интихоботии шаҳри Бохтар номзадҳо ба вакилии Маҷлиси вакилони халқ пешбарӣ шуданд
Дар ноҳияи Шаҳринав барои дар сатҳи баланд гузаронидани интихобот машварати омӯзишӣ доир шуд
Аз Ҳизби Халқии Демократии Тоҷикистон дар ноҳияи Сино номзадҳо ба вакилии Маҷлиси вакилони халқи шаҳри Душанбе пешбарӣ гардиданд
Дар ноҳияи Шаҳринав оид ба маъракаи интихобот машғулияти омӯзишӣ доир гардид
ИНТИХОБОТИ ВАКИЛОНИ ХАЛҚ-2025. Ин маъракаи сиёсӣ имкони мусоид барои санҷиши масъулиятшиносии ҷавонон аст
ИНТИХОБОТИ ВАКИЛОНИ ХАЛҚ-2025. Марҳилаи пешбарии рӯйхати номзадҳо оид ба интихоботи вакилони Маҷлиси намояндагони Маҷлиси Олӣ ба анҷом расид
Конференсияи Кумитаи иҷроияи Ҳизби сотсиалистии Тоҷикистон дар шаҳри Ҳисор баргузор гардид
Номзад аз Ҳизби аграрии Тоҷикистон аз ҳавзаи интихоботии якмандатаи Ёвон, №29 пешбарӣ гардид
Маҷлиси Кумитаи иҷроияи Ҳизби аграрии Тоҷикистон дар шаҳри Ҳисор баргузор шуд
«ИНТИХОБОТ ВА ҶАВОНОН». Дар шаҳри Турсунзода ҳамоиши тарғиботӣ баргузор гардид
