Дар Суғд Маркази омӯзиши тағйирёбии иқлим ва пиряхҳо таъсис ёфт
ДУШАНБЕ, 13.01.2025 /АМИТ «Ховар»/. Дар доираи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» ва Соли байналмилалии ҳифзи пиряхҳо эълон шудани соли 2025 дар факултети геоэкология ва туризми Донишгоҳи давлатии Хуҷанд ба номи академик Бобоҷон Ғафуров Маркази омӯзиши тағйирёбии иқлим ва пиряхҳо таъсис ёфт. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Ифтитоҳи ин марказро дар самти омӯзиши илмии пиряхҳо, таҳқиқоти тағйирёбии иқлим, баррасии таъсири тағйирёбии иқлим ба муҳити зист, иқтисодиёт ва ҷомеа, омода намудани мутахассисони соҳа дар самти пиряхшиносӣ ва экологияи иқлим судманд унвон намуданд.
Марказ аз рӯйи самтҳои гуногун фаъолият намуда, дар доираи он таҳқиқоти илмӣ оид ба пиряхҳо ва тағйирёбии иқлим гузаронида шуда, таҷрибаҳои пешрафтаи ҷаҳонӣ ва татбиқи онҳо дар Тоҷикистон мавриди омӯзиш қарор мегиранд. Ҳамзамон дар мавзуъҳои марбут ба иқлим ва пиряхҳо машварат, тренинг ва конфронсҳо ташкил карда мешаванд.
Таъсиси чунин марказ қадами муҳим дар самти ҳифзи табиати мамлакат ва рушди илмҳои экологияю иқлимшиносӣ, тавсеаи ҷараёни илмӣ – таҳқиқотии мушкилоти геоэкологӣ, аз ҷумла обшавии пиряхҳо, тағйирёбии иқлим ва дигаргуншавии экосистемаҳои табиӣ маҳсуб мешавад.
АКС: Хадамоти матбуоти Раиси вилояти Суғд
Дар Тоҷикистон ҳамоиши картошкапарварон баргузор мешавад
Байни соҳибкорони вилояти Суғд ва Қазоқистон санадҳои нави ҳамкорӣ ба имзо расиданд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Дар Остона дурнамои рушди ҳамкории Тоҷикистону Қазоқистон дар соҳаҳои электроэнергетика ва нафту газ баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
Байни Тоҷикистон ва Лаос масоили таҳкими ҳамкории сармоягузорӣ ва иқтисодӣ баррасӣ гардид
Ҳамкории Тоҷикистон ва Қирғизистон дар самтҳои тиҷорат, нақлиёт, сармоягузорӣ ва логистика густариш меёбад
