ДАРАХТ БИНШОН! Дар заминҳои таълимӣ-таҷрибавии Академияи миллии илмҳои Тоҷикистон дарахтони мевадиҳандаю ороишӣ шинонида шуданд

ДУШАНБЕ, 18.01.2025 /АМИТ «Ховар»/. 17 январ дар заминҳои таълимӣ-таҷрибавии Институти ботаника, физиология ва генетикаи растании Академияи миллии илмҳои Тоҷикистон ҷуфтгардонӣ оғоз гардид. Ҳамчунин бо истифода аз ҳавои мусоид дарахтони таҷрибавии мевадиҳанда ва ороишӣ шинонида шуданд.
Тавре АМИТ «Ховар» бо истинод ба Академияи миллии илмҳо хабар медиҳад, шуруъ аз моҳи ноябр маъракаи ниҳолшинонӣ оғоз ёфта, то ба анҷом расидани фасли баҳор идома меёбад.
Бояд гуфт, ки дар заминҳои таълимӣ-таҷрибавӣ муҳаққиқони Институти ботаника, физиология ва генетикаи растанӣ, унвонҷӯëну магистрантон ва докторантону аспирантон корҳои илмӣ-таҳқиқотӣ гузаронида, ҳамзамон самараи дилхоҳ ба даст меоранд.
АКС: Академияи миллии илмҳои Тоҷикистон